Канон Иисусу сладчайшему

Молитвами святых отец наших, Господи Иисусе Христе Боже наш, помилуй нас. Аминь.

КАНОН, глас 2-й

Песнь 1

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть: препрославленный Господь, славно бо прославися.

Припев: Иисусе Сладчайший, спаси мя.

или: Господи Иисусе Христе, Сыне Божий, помилуй мя грешнаго.

Иисусе Сладчайший Христе, Иисусе долготерпеливе, души моея язвы исцели, Иисусе, и услади сердце мое, Многомилостиве, молюся, Иисусе Спасе мой, да величаю Тя, спасаемый.

Припев.

Иисусе Сладчайший Христе, Иисусе, отверзи покаяния ми дверь, человеколюбче Иисусе, и приими мя, Тебе припадающа и тепле просяща, Иисусе Спасе мой, согрешений прощения.

Слава: Иисусе Сладчайший Христе, Иисусе, исхити мя из руки льстиваго велиара, Иисусе, и сотвори деснаго предстоятеля славы Твоея, Иисусе Спасе мой, части шуия мя избавляяй.

И ныне: Иисуса рождшая Бога, Владычице, моли о непотребных рабех, Пречистая, яко да муки молитвами Твоими избавимся, Нескверная, оскверненнии, славы присносущныя наслаждающеся.

Песнь 3

Ирмос: На камени мя веры утвердив, разширил еси уста моя на враги моя. Возвесели бо ся дух мой, внегда пети: несть свят, якоже Бог наш, и несть праведен паче Тебе, Господи.

Припев.

Услыши, человеколюбче Иисусе мой, раба Твоего, вопиюща во умилении, и избави мя, Иисусе, осуждения и муки, едине долготерпеливе, Иисусе Сладчайший многомилостиве.

Припев.

Подъими раба Твоего, Иисусе мой, припадающа со слезами, Иисусе мой, и спаси, Иисусе мой, кающагося мя и геенны, Владыко, избави, Иисусе Сладчайший многомилостиве.

Слава: Время, Иисусе мой, еже дал ми еси, во страсти иждих, Иисусе мой. Темже, Иисусе мой, не отвержи мя, но воззови, молюся, Владыко Иисусе Сладчайший, и спаси.

И ныне: Дево, рождшая Иисуса моего, моли избавити мя геенны, едино предстательство оскорбляемых, Богоблагодатная, и сподоби мя жизни, Всенепорочная, нестареющияся.

Господи, помилуй. (Трижды.)

Седален, глас 1-й

Спасе мой Иисусе, блуднаго спасый, Спасе мой Иисусе, приемый блудницу, и мене ныне помилуй, Иисусе многомилостиве, спаси, ущедри, о Иисусе благодетелю, якоже, Благоутробне, Манассию, Иисусе мой, яко Един человеколюбец.

Слава, и ныне: Молитвы Своих раб приими, Богородице, и избави ны от всякия беды, яко рождшая Христа Спаса, избавителя душ наших.

Песнь 4

Ирмос: Пришел еси от Девы, не ходатай, ни Ангел, но Сам, Господи, воплощся, и спасл еси всего мя человека. Тем зову Ти: слава силе Твоей, Господи.

Припев.

Исцели, Иисусе мой, души моея язвы, Иисусе мой, молюся, и руки мя исхити, Иисусе мой благоутробне, душетленнаго велиара, и спаси.

Припев.

Согреших, Иисусе мой Сладчайший, благоутробне; Иисусе мой, спаси мя, прибегающаго к покрову Твоему, Иисусе долготерпеливе, и Царствия Твоего мя сподоби.

Слава: Никтоже согреши, Иисусе мой, якоже согреших аз, окаянный, но припадаю моляся, Иисусе мой, спаси мя и жизни, Иисусе мой, наследие ми даруй.

И ныне: Всепетая, Иисуса рождшая Господа, Того моли избавити муки вся, поющия Тя, и Богородицу воистинну именующия.

Песнь 5

Ирмос: Просвещение во тме лежащих, спасение отчаянных, Христе Спасе мой, к Тебе утренюю, Царю мира, просвети мя сиянием Твоим: иного бо разве Тебе бога не знаю.

Припев.

Ты просвещение, Иисусе мой, ума моего, Ты спасение отчаянныя души моея, Спасе, Ты, Иисусе мой, муки избави и геенны мя, зовуща: спаси, Иисусе мой Христе, мя окаяннаго.

Припев.

Всеконечно, Иисусе мой, ко страсти безчестия низвержен ныне зову: Ты, Иисусе мой, помощи ми руку низпослав, исторгни зовуща: спаси, Иисусе мой Христе, мя окаяннаго.

Слава: Осквернен ум, Иисусе мой, обнося, взываю Ти: очисти мя от скверны прегрешений и избави мя во глубины злобы от неведения низпоползшагося, Спасе Иисусе мой, и спаси мя, молюся.

И ныне: Иисуса рождшая, Отроковице Богородительнице, Того умоли спасти вся православныя, монахи и мирския, и геенны избавити зовущия: разве Тебе предстательства твердаго не знаем.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

Припев.

Иисусе мой Христе многомилостиве, исповедающася приими мя, Владыко, о Иисусе, и спаси мя, и от тли, Иисусе, мя исхити.

Припев.

Иисусе мой, никтоже бысть ин блудник, якоже аз, страстный, о Иисусе человеколюбче: но Ты, Иисусе, мя спаси.

Слава: Иисусе мой, блудницу и блуднаго, и Манассию и мытаря преидох, о Иисусе мой, страстьми, и разбойника, Иисусе, и ниневитяны.

И ныне: Иисуса Христа моего рождшая, Пречистая Дево, едина нескверная, осквернена суща мя молитв Твоих иссопом ныне очисти.

Господи, помилуй. (Трижды.) Слава, и ныне:

Кондак, глас 6-й

Иисусе Спасе, очисти и спаси мя, якоже иногда блудницу, разбойника же и блуднаго, и мене ныне помилуй, Всещедре и Благосерде Господи, и муки избави мя, молитвами Пречистыя Твоея и Всепетыя Матере.

Икос

Земная и временная возлюбих, вечных благ лишихся, Христе Иисусе, Едине человеколюбче, грешников не отсекаемая надежда, но милость кающимся пролия, и мене ныне кающася не презри, Иисусе, разумею бо разбойника исповеданием спасена, и мытаря милостию очищена, тако и блудницу помышляю плакавшуся, яко всем сих положил еси образы покаяния. Претиши бо милостивне, и милосердуеши. Тепле кающася видиши, и противу течеши яко Отец. Аще убо восхощеши, мощен бо еси и моя отпустити грехи, имиже по крещеннем обете осквернихся, но чистоту яко Бог подаждь ми, молитвами Пречистая Твоея и Всепетыя Матере.

Песнь 7

Ирмос: Образу златому на поле Деире служиму, трие Твои отроцы небрегоша безбожнаго веления, посреде же огня ввержени, орошаеми пояху: благословен еси, Боже отец наших.

Припев.

Христе Иисусе, никтоже согреши на земли от века, о Иисусе мой, якоже согреших аз, окаянный и блудный. Темже, Иисусе мой, вопию Ти: поюща мя ущедри, благословен еси, Боже отец наших.

Припев.

Христе Иисусе, ко страху Твоему, вопию, пригвозди мя, о Иисусе мой, и окорми ныне ко пристанищу благоотишному, яко да, Иисусе мой щедре, пою Ти спасаемый: благословен еси, Боже отец наших.

Слава: Христе Иисусе, тмами обещах Тебе, страстный, о Иисусе мой, покаяние, но солгах окаянный. Темже, Иисусе мой, вопию Ти: нечувственне пребывающую душу мою просвети, Христе, отцев Боже благословен еси.

И ныне: Христа Иисуса рождшая странно и паче естества, Того моли, Всенепорочная, яже чрез естество моя прегрешения вся простити ми, Отроковице, да зову спасаемь: благословена еси, Бога плотию рождшая.

Песнь 8

Ирмос: В пещь огненную ко отроком еврейским снизшедшаго и пламень в росу преложшаго Бога, пойте, дела, яко Господа, и превозносите во вся веки.

Припев.

Тя, Иисусе мой, молю: якоже блудницу, Иисусе мой, избавил еси многих согрешений, тако и мене, Иисусе Христе мой, избави, и очисти оскверненную душу мою, Иисусе мой.

Припев.

Преклонився, Иисусе, безсловесными сластьми, безсловесен явихся и скотом воистинну, Иисусе мой, страстно окаянный уподобихся; темже, Иисусе, безсловесия мя избави.

Слава: Впад, о Иисусе, в душетленныя разбойники, обнажихся одежды, Иисусе мой, боготканныя ныне, и лежу ранами уязвлен; елей, Христе мой, возлей на мя и вино.

И ныне: Иисуса моего и Бога носившая Христа несказанно, Богородице Марие, Того моли присно от бед спастися рабом Твоим, и певцем Твоим, Неискусомужная Дево.

Песнь 9

Ирмос: От Бога Бога Слова, неизреченною мудростию пришедшаго обновити Адама, ядию в тление падшаго люте, от Святыя Девы неизреченно воплотившагося нас ради, вернии единомудренно песньми величаем.

Припев.

Припев.

От Адама, Иисусе мой, согрешившия вся, прежде закона и в законе, Иисусе, и по законе, окаянный, и благодати, Иисусе мой, победих страстьми окаянно; но Ты, Иисусе мой, судьбами Твоими спаси мя.

Слава: Да не отлучен буду, Иисусе мой, неизреченныя Твоея славы, да не улучу части, Иисусе, шуия, Сладчайший Иисусе; но Ты мя десным овцам Твоим, Христе Иисусе мой, сочетав упокой, яко благоутробен.

И ныне: Иисуса, Богородице, Егоже носила еси, едина неискусомужная Дево Марие, Того, Чистая, умилостиви, яко Сына Твоего и Зиждителя, избавити притекающия к Тебе искушений и бед, и огня будущаго.

Молитва ко Господу нашему Иисусу Христу

Владыко Господи Иисусе Христе Боже наш, Иже неизреченнаго ради Твоего человеколюбия на конец веков в плоть оболкийся от Приснодевы Марии, славим о нас Твое спасительное промышление раби Твои, Владыко; песнословим Тя, яко Тебе ради Отца познахом; благословим Тя, Егоже ради и Дух Святый в мир прииде, поклоняемся Твоей по плоти Пречистей Матери, таковей страшней тайне послужившей; восхваляем Твоя Ангельская ликостояния, яко воспеватели и служители Твоего величествия; ублажаем Предтечу Иоанна, Тебе крестившаго, Господи; почитаем и провозвестившия Тя пророки, прославляем апостолы Твоя святыя; торжествуем же и мученики, священники же Твоя славим; поклоняемся преподобным Твоим, и вся Твоя праведники пестунствуем. Таковаго и толикаго многаго и неизреченнаго лика Божественнаго в молитву приводим Тебе, всещедрому Богу, раби Твои, и сего ради просим нашим согрешением прощение, еже даруй нам всех Твоих Ради святых, изряднее же святых Твоих щедрот, яко благословен еси во веки. Аминь.

Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.(Поклон)

Простые молитвы на каждый день

Перед важным делом и в начале каждого нового дня следует обращаться к Богу со словами: «Господи, благослови!», а заканчивать день и удачно завершенное дело самой короткой молитвой Господу: «Слава Богу!» Всего два слова, произносимые ежедневно, помогут в делах и принесут душе покой. Если же дело не спорится, значит, такова Божья воля, и к Богу следует обратить так: «Господи, помилуй!»

Человек не может обходиться без воды и пищи, поэтому ещё с незапамятных времен перед каждой трапезой все члены семьи читают простую молитву «Отче Наш». Считается, что это была первая молитва, которую Иисус Христос поведал своим ученикам (данный вариант взят из Евангелие от Матфея):

Отче наш, сущий на небесах! Да святится имя Твое; да приидет Царствие Твое; да будет воля Твоя и на земле, как на небе; хлеб наш насущный дай нам на сей день; и прости нам долги наши, как и мы прощаем должникам нашим; и не введи нас в искушение, но избавь нас от лукавого. Ибо Твое есть Царство и сила и слава во веки. Аминь.

Молитва – это обращение к святым, общение с ними, поэтому нужно соблюдать особые правила. Даже краткую молитву нужно читать с уважением, искренней верой и вниманием, нельзя отвлекаться или думать о чем-то ещё во время обращения к святому, это может его оскорбить.

Чтение молитвы перед иконой помогает сосредоточиться на словах и сделать связь со святым крепче, ведь его лик перед вами.

Почти в каждом православном доме есть красный угол, особое место, которое отведено иконам и церковным свечам. Перед красным углом можно читать очень короткие православные молитвы утром и на сон грядущий, как например, слова:

Во имя Отца, и Сына, и Святаго Духа. Аминь.

Краткие молитвы святым

У каждого святого есть особая молитва, обращение, адресованное только ему, некоторые из них умещаются в две фразы, а запись других занимают страницу. Чаще всего с короткой молитвой обращаются к Иисусу Христу, Божьей Матери, Троице – эти святые стоят на страже людей, следят и берегут.

Есть и другие, к которым следует обращаться ежедневно, ангел-хранитель, тот, что следит за нами по Божьему наказу с самого нашего крещения, и святой, чье имя равно нашему, он – покровитель.

Все эти святые наставят на истинный путь заблудшую душу, помогут в принятии серьезного рения, уберегут от бед и дурных помыслов, отведут недругов.

Нередко обращаются за благословением и защитой к Пресвятой Богородице с самой простой молитвой:

Богородице Дево, радуйся, Благодатная Марие, Господь с Тобою; благословена Ты в женах и благословен плод чрева Твоего, яко Спаса родила еси душ наших.

Божья Матерь считается заступницей детей и матерей, помощницей в тяжелых болезнях и семейных конфликтах. Во всем христианском мире чтут Деву Марию, подарившую Господа человечеству.

Многие короткие православные молитвы оканчиваются словами «Во имя Отца, и Сына, и Святаго Духа», каждому из трех проявлений Господа посвящена отдельная молитва, вот текст молитвы Святому Духу:

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Чтение краткой молитвы каждый день следует взять за правило. Само по себе обращение к святому, концентрация на словах и просьбе дарует верующему покой и умиротворение, которое порой ему и нужно. Стресс и суета не лучшим образом сказываются на делах и здоровье, а потому так важно находится в душевном равновесии и быть честным с собой.

Песнь 3

Ирмос: На камени мя веры утвердив, разширил еси уста моя на враги моя, возвеселибося дух мой, внегда пети: несть свят, якоже Бог наш, и несть праведен, паче Тебе, Господи.

Припев: Святителю отче Спиридоне, моли Бога о нас.

Ум твой безстрастием просветив и Божественным смирением украсився, дарования Духа приял еси отгонити духи и решити недуги верно чтущих тя, священнейше.

Змия началозлобнаго убив, нрав сребролюбный поправ, милуя требующаго, святителю, змия преложил еси в златую утварь священными твоими молитвами, отче преподобне.

Слава Отцу, и Сыну, и Святому Духу.

Возшел еси на гору безстрастия, вшел еси во храм Боговидения, в скрижали же сердца твоего приял еси закон спасительный, яко священнейший и угодник присный Владыки Твоего.

И ныне и присно, и во веки веков. Аминь.

Богородичен: Уврачи струпы души моея, ум мой, омраченный нерадением, Богоневесто, озари, да пою: несть непорочны, паче Тебе, Непорочная, и несть чисты, паче Тебе, Владычице.

Господи, помилуй, трижды.

Молитва святителю Спиридону Тримифунтскому:

  • Молитва святителю Спиридону чудотворцу, епископу Тримифунтскому. Святитель Спиридон имел такую чистую и простую веру, что Господь без промедления отвечал на всякое его прошение. Все житие святителя поражает удивительной простотой и силой чудотворения, дарованной ему от Господа. Святому Спиридону обращаются за помощью в болезни, ему молятся в затруднениях с жильем, в нищете и прочих житейских неурядицах, о защите от воров, о даровании простоты сердца, о вразумлении заблудших, перешедших в иноверие, о сектантах и оккультистах

Акафист святителю Спиридону Тримифунтскому:

  • Акафист святителю Спиридону Тримифунтскому

Канон святителю Спиридону Тримифунтскому:

  • Канон святителю Спиридону Тримифунтскому

Канон умилительный ко Господу нашему Исусу Христу

Тропарь, глас 6-й

Помилуй нас Господи, помилуй нас, всякого бо ответа недоумеюще, сию Ти молитву яко Владыце, грешнии раби Твои приносим, помилуй нас Господи, помилуй нас.

Слава. Господи помилуй нас, на Тя бо уповахом. Не прогневайся на ны зело, ниже помяни беззаконии наших: но призри на ны яко Милосерд, и избави нас от враг наших: Ты бо еси Бог наш, и мы людие Твои, и вси дела руку Твоею, и имя Твое призываем.

И ныне. Богородичен. Милосердия двери отверзи нам, благословеная Богородице Дево, надеющиися на Тя не погибнем, но да избавимся Тобою от бед: Ты бо еси спасение роду христианскому.

КАНОН, глас 2-й

Песнь 1. Ирмос. Во глубине потопи древле, фараонитская вся воинства, преоружену силу: воплощьжеся Слово преуспеющыя грехи потребило есть, преславныи Господь, яко прославися.

Запев: Господи Исусе Христе Сыне Божии помилуй мя грешнаго (поклон)

Исусе Сладкий Христе, Исусе долготерпеливе, душевныя ми язвы исцели Исусе, и услади сердце мое Многомилостиве молюся, Исусе Спасе мой, да величаю Тя спасаемь.

Запев. Исусе сладкий Христе, Исусе отверзи ми покаяния дверь, Человеколюбче Исусе, и приими мя Тебе припадающа тепле, и просяща, Исусе Спасе мой согрешением прощения.

Слава. Исусе сладкий Христе, Исусе исхити мя из руки лукаваго стрельца, Исусе сотвори мя деснаго предстоятеля славе Твоей, Исусе Спасе мой, части шуих мя избави.

И ныне. Богородичен. Исуса рождьшая Бога, Владычице моли о непотребных рабех Ти Пречистая, яко да муки молитвами Ти нескверная избавльшеся осквернении, и славы присносущныя восприимем.

Катавасия: Сохрани от бед рабы Своя Милостиве, яко усердно к Тебе прибегаем к милостивому Избавителю и всех Владыце Господу Исусу (поклон). Господи помилуй (3 раза с поклонами).

Песнь 3. Ирмос. На камени мя веры утверди, разшири уста моя на враги моя. Возвеселибося дух мой воспевати, несть свята яко же Бог наш, и несть праведна паче Тебе Господи.

Запев. Услыши Человеколюбче Исусе раба Твоего, вопиюща во умилении, и избави мя Исусе при и мучения, едине долготерпеливе, Исусе пресладкии и многомилостиве.

Запев. Подъими раба Твоего Исусе мой, припадающа со слезами ногам Твоим, и спаси Исусе мой кающася, и геены мя Владыко избави, Исусе пресладкии и многомилостиве.

Слава. Время Исусе, еже ми дал еси, в страстех изжих Исусе мой. Тем же Исусе мой не отверзи, но призови мя молюся Владыко, Исусе пресладкии, и спаси мя.

И ныне. Богородичен. Дево рождьшая Исуса моего, моли избавити мя геены, едина предстательнице печальным богоблагодатная, и сподоби мя жизни Всенепорочная нестареющейся. Катавасия.

Седален, глас 1-й. Спасе мой Исусе, иже блуднаго спасыи, Спасе мой Исусе, приемыи блудницу, и мене ныне помилуй, Исусе мой многомилостиве. Спаси и ущедри, о Исусе благодателю, яко же благосерде Манасию Исусе мой, яко един Человеколюбец.

Слава и ныне. Богородичен. Молитвы своих раб приими Богородице, и избави ны от всякия беды, яко рождьшая Христа Спаса, Избавителя душам нашим.

Песнь 4. Ирмос. Пришествовав от Девы, не ходатай ни ангел, но Ты Сам Господи воплощься, и спасе всего мя человека. Тем вопию Ти, слава силе Твоей.

Запев. Исцели Исусе мой, души моея язвы, Исусе мой молюся, из руки исхити мя Исусе мой благоутробне, душетленнаго стрельца, и спаси мя.

Запев. Согреших Исусе мой, пресладкий милосерде, Исусе мой спаси мя, прибегающаго покрову Твоему. Исусе долготерпеливе, и царствию Твоему мы сподоби.

Слава. Не согреших Исусе мой никто же, яко же аз согреших окаянныи: но припадая молюся, Исусе мой спаси мя, и жизни вечныя Исусе мой наследие ми даруй.

И ныне. Богородичен. Всепетая, Исуса рождьшая Господа, Того моли избавити муки, вся поющыя Тя, и Богородицу воистину именующыя. Катавасия.

Песнь 5. Ирмос. Просвещение во тме лежащым, и спасение неначаемым Христе Спасе мой, к Тебе утреннюю, Царю мирныи, просвети мы сиянием си, иного бо разве Тебе Бога не знаем.

Запев. Ты просвещение Исусе уму моему, Ты спасение отчаянней души моей Спасе. Ты Исусе мой муки избави, и геены мя зовуща: спаси Исусе мой Христе, мене окаяннаго.

Запев. Весь отнюд Исусе мой, к страстем безчестия низвержен ныне зову, Ты Исусе мой, помощи ми руку низпослав, исторгни зовуща: спаси мя, Исусе мой Христе, окаяннаго.

Слава. Осквернен ум Исусе мой, обношу и взываю Ти: очисти мя от скверны блужения, Ты Исусе мой, иже во глубину злобы от неразумия низпоползшагося, Спасе мой, и спаси мы молюся.

И ныне. Богородичен. Исуса рождьшая Дево богородительнице, Того умоли, спасти вся правосланыя, иноки и мирския, и геены избавити зовущыя: разве Тебе предстательницу тверду не знаем. Катавасия.

Песнь 6. Ирмос. В бездне греховней одержимь, неизследную милосердия Твоего призываю бездну, от тли Боже мя возведи.

Запев. Исусе мой Христе многомилостиве, исповедающася приими мя Владыко. О Исусе спаси мя, и от тли Исусе мой исхити.

Запев. Исусе мой, не бысть ин блудник ни кто же, яко же аз страстныи, о Исусе Человеколюбче, но Ты Исусе мя спаси.

Слава. Исусе мой, блудницу и блуднаго, и Манасию и мытаря преидох страстьми, и разбойника и неневитяны: но милостию Твоею и мене, о Исусе мой, помилуй и спаси.

И ныне. Богородичен. Исуса Христа моего рождьшая Пречистая Дево, едина нескверная, осквернена мя суща, молитв Твоих иссопом очисти. Катавасия.

Кондак, глас 6-й. Исусе Спасе, очисти и спаси мя, яко же иногда блудницу, разбойника же и блуднаго. И мене ныне помилуй всещедре и благосерде Господи, и муки избави мя , молением Пречистыя Ти и всепетыя Богоматери.

Икос. Земная и временная возлюбих, вечных благ лишихся, Христе Исусе, едине Человеколюбче, грешником неотсекаемая надежда: но милость кающимся пролия, и мене ныне кающася не презри Исусе, разумею бо разбойника исповеданием спасена, и мытаря милостию очищена, тако и блудницу помышляю плакавшуся. Яко всем сих положил еси образы покаяния: претиши бо милостивне, и милосердуеши. Тепле кающася видиши, и противу течеши яко Отец. Аще убо восхощеши, мощен бо еси и моя отпустити грехи, ими же по крещением обете осквернихся, и по обещании христианского (иноческаго) жития. Но чистоту яко Бог подаждь ми, молением Пречистыя Ти и всепетыя Богоматери.

Песнь 7. Ирмос. О теле злате, на поле Деире служимем, трие отроцы не радиша о безбожнем велении, но посреди пламени ввержени, прохлаждаеми пояху, благословен Бог отец наших.

Запев. Христе Исусе, никтоже согреши на земли о века, о Исусе, яко же согреших аз окаянныи и блудныи. Тем же Исусе мой вопию Ти, поюща мя ущедри, благословен еси Господи Боже отец наших.

Запев. Христе Исусе, от страха Твоего вопию, пригвозди мя, о Исусе мой, и окорми ныне ко пристанищу благоутишному. Яко да Исусе мой щедре пою Ти спасаемь, благословен еси Боже отец наших.

Слава. Христе Исусе, тмами обещахтися, о Исусе мой, покаятися, но солгах страстныи и окаянныи. Тем же Исусе мой вопию Ти, нечуственне пребывшую душу мою просвети Христе, отцем Боже благословен еси.

И ныне. Богородичен. Христа Исуса рождьшая странно, и выше естества. Того моли Всенепорочная, яже чрез естественная моя согрешения вся простити ми Отроковице. Да зову Ти спасаемь, благословена еси яже Бога плотию рождьшая. Катавасия.

Песнь 8. Ирмос. В пещь огненную к детем еврейским сошедшаго, и пламень на хлад преложшаго Бога, пойте вся дела Господа, и превозносите Его во веки.

Запев. Тя Исусе мой молю, яко же блудницу Исусе мой, избавил еси многих прегрешении, тако и мене Исусе Христе мой избави, и очисти оскверненную душу мою, Исусе мой.

Запев. Преклонихся Исусе безсловесными сластьми, безсловесен явихся, и скотом воистину, о Исусе мой Спасе, страстно окаянныи уподобихся. Тем же Исусе безсловесия мя избави.

Слава. Впад о Исусе в душетленныя разбойники, обнажихся одежды Исусе мой боготканныя, и лежу ранами уязвен. Масло Христе возлей на мя и вино.

И ныне. Богородичен. Исуса моего и Бога, носившая Христа несказанно, Богородице Марие, Того моли присно, от бед спастися рабу Твоему, и певцем Твоим, неискусомужная Дево. Катавасия.

Песнь 9. Ирмос. Иже от Бога Бога Слова, неизреченною мудростию, пришедшаго обновити Адама, ядию тления падшаго зле. От святыя же Девицы неизреченно воплощаема нас ради, вернии единомудренно, песньми величаем.

Запев с поклоном. Манасию Исусе мой, мытаря, блудницу и блуднаго, щедре Исусе, и разбойника преминух Исусе мой, в делех студных и безместных Исусе. Но Ты Исусе мой предварив мя спаси.

Запев. Иже от Адама Исусе мой, согрешившыя вся прежде закона, и в законе Исусе, и по законе Исусе мой, и по благодати, преминух страстьми окаянно. Но ты Исусе мой, судьбами си спаси мя.

Слава. Да не отлучен буду Исусе мой, неизреченныя Ти славы, да не получу части шуия, сладкий Исусе. Но Ты мя десным овцам Твоим Христе Исусе мой счетав покой, яко милосерд.

И ныне. Богородичен. Исуса Богородице, Его же носила еси, едина неискусомужная Дево Марие. Того Чистая умоли, яко Сына Своего и Зиждителя, избавити вся притекающыя к Тебе, искушении бед, и огня будущаго. Катавасия.

Икос

Из чрева освященнаго иерарха Господня, восхвалим ныне Спиридона, благодати скрижали приемшаго Божественныя славы, и в чудесех преславнаго всей твари, и яко тепла и самовидца Божественнаго осияния, яко нищих предстателя и согрешающих душеводца: той бо Божественна Престолу Христову жертва бысть, прося всем Божественнаго сияния.

Канон «Господом твоим»

«К. выше: «Г. т.» — Основание Нового Мира. Прежде читали: «И возрадовался дух Мой о Боге Спасе моем», теперь же скажете: «И возрадовался дух мой о Боге Спасе твоем»» (Оз-2.8.2). «»Канон выше — Г. т.» означает, что этот к. выше (мудрее), нежели утверждение — «Г. моим». В первом звучит терпимость и вмещение, во втором таится зародыш исключительности и фанатизма» (П-1937). «…самое важное, самое ответственное, это уменье дать каждому по сознанию. Самое страшное дать больше, нежели сознание собеседника может вместить. Дать неподготовленному сознанию слишком много, все равно, что дать ребенку играть с заряженным револьвером. Потому подходите к каждому к-ном «Г. т.», осторожно направляя и расширяя его кругозор» (П-8.11.34). «…к. «Г. т.» и непротивление злу — два совершенно различных понятия. К. «Г. т.» есть, иначе говоря, вмещение, но в то же время и соизмеримость; именно соизмеримость не допускает попустительства злу… возможен для приложения там, где есть наличность добра, хотя бы и узко осознанного, но применение этого канона в отношении зла, как непротивление злу, явится не только попустительством, но и сотрудничеством во зле. Непротивление злу есть допущение вторжения хаоса… При каждом собеседовании, когда нет объединения сознаний, наша первая обязанность не разъярять собеседника противоречием и порицанием его убеждений, но, начав с лучших возможностей его и исходя от уровня его сознания, постепенно и терпеливо мы должны расширять его горизонт. Так, говоря с мусульманином, Вы не начнете с восхваления Вл. Будды или же с унижения Магомета, но обменяетесь с ним всем тем прекрасным, что имеется в его религии, и, при случае, глубже и шире поясните значение некоторых речений Магомета, которые входят в сокровищницу мировой мудрости… Не будете же Вы говорить ярому шовинисту против его страны, но найдете все лучшие выражения и качества его народа и укажете ему новые пути развития его особых качеств. Выказанная Вами широта понятия народных выражений сгладит представление шовинизма, и неожиданно для себя ограниченное сознание начнет звучать на ноту вмещения… нужно учиться вести беседы без вражды, но дружелюбно оценивая своего собеседника. Именно вести их с ТЕРПЕНИЕМ и уважением к противнику, не допуская ни раздражения, ни насмешки и проч. недостойных приемов. В каждой беседе нужно уметь жертвовать собою, своим знанием, не кичиться своею просвещенностью… к. «Г. т.» есть проявление самопожертвования, без которого ничто не может быть достигнуто… Если хотите, примите этот канон, как проявление милосердия. Итак, к. «Г. т.» вполне совместим именно с противлением злу. Можно пресекать зло разными способами, и чувствознание должно подсказать пределы возможности применения данного канона» (П-26.1.39).

Глас 6-й

Песнь 1

Ирмос: Я́ко по сýху пешешéствовав Изрáиль, по бéздне стопáми, гони́теля фараóна ви́дя потопля́ема, Бóгу побéдную песнь пои́м, вопия́ше.

Припев: Поми́луй мя, Бóже, поми́луй мя.

Ны́не приступи́х аз грéшный и обременéнный к Тебé, Влады́це и Бóгу моемý; не смéю же взирáти на нéбо, то́кмо молю́ся, глаго́ля: даждь ми, Гóсподи, ум, да плáчуся дел мои́х гóрько.

Поми́луй мя, Бóже, поми́луй мя.

О, гóре мне грéшному! Пáче всех человéк окая́нен есмь, покая́ния несть во мне; даждь ми, Гóсподи, слéзы, да плáчуся дел мои́х гóрько.

Слава: Безýмне, окая́нне человéче, в лéности врéмя губи́ши; помы́сли житиé твоé, и обрати́ся ко Гóсподу Бóгу, и плáчися о дéлех твои́х гóрько.

И ныне: Мáти Бóжия Пречи́стая, воззри́ на мя грéшнаго, и от сéти диáволи избáви мя, и на путь покая́ния настáви мя, да плáчуся дел мои́х гóрько.

Песнь 3

Ирмос: Несть свят, я́коже Ты, Го́споди Бо́же мой, вознесы́й рог вéрных Твои́х, Блáже, и утверди́вый нас на кáмени исповéдания Твоегó.

Поми́луй мя, Бóже, поми́луй мя.

Внегдá постáвлени бýдут престóли на Суди́щи Стрáшнем, тогдá всех человéк делá обличáтся; гóре тáмо бýдет грéшным, в мýку отсылáемым; и то вéдущи, душé моя́, покáйся от злых дел твои́х.

Поми́луй мя, Бóже, поми́луй мя.

Слава: Увы́ мне великогрéшному, и́же дéлы и мы́сльми оскверни́вся, ни кáпли слез имéю от жестосéрдия; ны́не возни́кни от земли́, душé моя́, и покáйся от злых дел твои́х.

И ныне: Се, взывáет, Госпожé, Сы́н Твой, и поучáет нас на дóброе, аз же грéшный добрá всегдá бéгаю; но Ты, Ми́лостивая, поми́луй мя, да покáюся от злых мои́х дел.

Седален, глас 6-й

Помышля́ю день стрáшный и плáчуся дея́ний мои́х лукáвых: кáко отвещáю Безсмéртному Царю́, или кóим дерзновéнием воззрю́ на Сýдию, блýдный аз? Благоутрóбный Óтче, Сы́не Единорóдный и Дýше Святы́й, поми́луй мя.

Слáва, и ны́не:

Богородичен: Свя́зан мнóгими ны́не плени́цами грехóв и содержи́мь лю́тыми страстьми́ и бедáми, к Тебé прибегáю, моемý спасéнию, и вопию́: помоги́ ми, Дéво, Мáти Бóжия.

Песнь 4

Ирмос: Христо́с моя́ си́ла, Бог и Госпóдь, честнáя Цéрковь боголéпно поéт, взывáющи от смы́сла чи́ста, о Гóсподе прáзднующи.

Поми́луй мя, Бóже, поми́луй мя.

Ширóк путь зде и угóдныи́ слáсти твори́ти, но гóрько бýдет в послéдний день, егдá душá от тéла разлучáтися бýдет: блюди́ся от сих, человéче, Цáрствия рáди Бо́жия.

Поми́луй мя, Бóже, поми́луй мя.

Почтó убóгаго оби́диши, мздý наéмничу удéржуеши, брáта твоегó не лю́биши, блуд и гóрдость гóниши? Остáви ýбо сия́, душé моя́, и покáйся Цáрствия рáди Бóжия.

Слава: О, безýмныи́ человéче, докóле углебáеши, я́ко пчелá, собирáющи богáтство твоé? Вскóре бо поги́бнет, я́ко прах и пéпел: но бóлее взыщи́ Цáрствия Бóжия.

И ныне: Госпожé Богорóдице, поми́луи́ мя грéшнаго, и в добродéтели укрепи́, и соблюди́ мя, да нáглая смерть не похи́тит мя неготóваго; и доведи́ мя, Дéво, Цáрствия Бóжия.

Песнь 5

Ирмос: Бóжиим свéтом Твои́м, Блáже, ýтренюющих Ти дýши любóвию озáри, молю́ся, Тя вéдети, Слóве Бóжий, и́стиннаго Бóга, от мрáка грехóвнаго взывáюща.

Поми́луй мя, Бóже, поми́луй мя.

Воспомяни́, окая́нный человéче, кáко лжам, клеветáм, разбóю, нéмощем, лю́тым зверéм, грехóв рáди порабощéн еси́; душé моя́ грéшная, тогó ли восхотéла еси́?

Поми́луй мя, Бóже, поми́луй мя.

Трепéщут ми ýди, всéми бо сотвори́х винý: очи́ма взирáяй, уши́ма слы́шай, язы́ком злáя глагóляй, всегó себé геéнне предая́ий; душé моя́ грéшная, сегó ли восхотéла еси́?

Слава: Блудникá и разбóйника кáющася прия́л еси́, Спáсе, аз же еди́н лéностию грехóвною отягчи́хся и злым делóм поработи́хся; душé моя́ грéшная, сегó ли восхотéла еси́?

И ныне: Ди́вная и ско́рая помо́щнице всем человéком, Мáти Бóжия, помози́ мне недостóйному, душá бо моя́ грéшная того восхотé.

Песнь 6

Ирмос: Житéйское мóре, воздвигáемое зря напáстей бýрею, к ти́хому пристáнищу Твоемý притéк, вопию́ Ти: возведи́ от тли живóт мой, Многоми́лостиве.

Поми́луй мя, Бóже, поми́луй мя.

Житиé на земли́ блýдно пожи́х и дýшу во тьму предáх, ны́не ýбо молю́ Тя, Ми́лостивый Влады́ко: свободи́ мя от рабóты сея́ врáжия, и даждь ми рáзум твори́ти вóлю Твою́.

Поми́луй мя, Бóже, поми́луй мя.

Кто твори́т таковáя, я́коже аз? Я́коже бо свиния́ лежи́т в калý, тáко и аз грехý служý. Но Ты, Гóсподи, истóргни мя от гнýса сегó и даждь ми сéрдце твори́ти зáповеди Твоя́.

Слава: Воспряни́, окая́нный человéче, к Бóгу, воспомянýв своя́ согрешéния, припáдая ко Творцý, слезя́ и стеня́; Той же, я́ко милосéрд, даст ти ум знáти вóлю Свою́.

И ныне: Богорóдице Дéво, от ви́димаго и неви́димаго зла сохрани́ мя, Пречи́стая, и приими́ моли́твы моя́, и донеси́ я Сы́ну Твоéму, да даст ми ум твори́ти вóлю Его.

Кондак

Душé моя́, почтó грехáми богатéеши, почтó вóлю диáволю твори́ши, в чесóм надéжду полагáеши? Престáни от сих и обрати́ся к Бóгу с плáчем, зовýщи: Милосéрде Гóсподи, поми́луй мя грéшнаго.

Икос

Помы́сли, душé моя́, гóрький час смéрти и Стрáшный Суд Творцá твоегó и Бóга: Áнгели бо грóзнии пóймут тя, душé, и в вéчный огнь введýт: ýбо прéжде смéрти покáйся, вопию́щи: Гóсподи, поми́луй мя грéшнаго.

Песнь 7

Ирмос: Росодáтельну ýбо пещь соделá Áнгел преподóбным отрокóм, халдеи́ же опаля́ющее велéние Бóжие, мучи́теля увещá вопи́ти: благословéн еси́, Бóже отéц нáших.

Поми́луй мя, Бóже, поми́луй мя.

Не надеи́йся, душé моя́, на тлéнное богáтство и на непрáведное собрáние, вся бо сия́ не вéси кому остáвиши, но возопи́й: поми́луй мя, Христé Бóже, недостóйнаго.

Поми́луй мя, Бóже, поми́луй мя.

Не уповáй, душé моя́, на телéсное здрáвие и на скóромимоходящую красотý, ви́диши бо, я́ко си́льнии и млади́и умирáют, но возопи́й: поми́луй мя, Христé Бóже, недостóйнаго.

Слава: Воспомяни́, душé моя́, вéчное житиé, Цáрство Небéсное, уготóванное святы́м, и тьму кромéшную и гнев Бóжий злым, и возопи́й: поми́луй мя, Христé Бóже, недостóйнаго.

И ныне: Припади́, душé моя́, к Бóжией Мáтери и помоли́ся Той, есть бо скóрая Помóщница кáющимся, умóлит Сы́на Христá Бóга, и поми́лует мя недостóйнаго.

Песнь 8

Ирмос: Из плáмене преподóбным рóсу источи́л еси́ и прáведнаго жéртву водóю попали́л еси́: вся бо твори́ши, Христé, тóкмо éже хотéти. Тя превознóсим во вся вéки.

Поми́луй мя, Бóже, поми́луй мя.

Кáко не и́мам плáкатися, егдá помышля́ю смерть, ви́дех бо во грóбе лежáща брáта моегó, безслáвна и безобрáзна? Что ýбо чáю, и на что надéюся? Тóкмо даждь ми, Гóсподи, прéжде концá покая́ние. (Дважды)

Слава: Вéрую, я́ко прии́деши суди́ти живы́х и мéртвых, и вси во своéм чинý стáнут, стáрии и млади́и, влады́ки и кня́зи, дéвы и свящéнницы; где обря́щуся аз? Сего́ рáди вопию́: даждь ми, Гóсподи, прéжде концá покая́ние.

И ныне: Пречи́стая Богорóдице, приими́ недостóйную моли́тву мою́ и сохрани́ мя от нáглыя смéрти, и дáруй ми прéжде концá покая́ние.

Песнь 9

Ирмос: Бóга человéком невозмóжно ви́дети, на Негóже не смéют чи́ни áнгельстии взирáти; Тобóю же, Всечи́стая, яви́ся человéком Слóво Воплощéнно, Егóже величáюще, с небéсными вóи Тя ублажáем.

Поми́луй мя, Бóже, поми́луй мя.

Ны́не к вам прибегáю, Áнгели́, Архáнгели и вся Небéсныя Си́лы, у Престóла Бóжия стоя́щии, моли́теся ко Творцý своемý, да избáвит дýшу мою́ от мýки вéчныя.

Поми́луй мя, Бóже, поми́луй мя.

Ны́не плáчуся к вам, святи́и патриáрси, цáрие и прорóцы, апóстоли и святи́телие и вси избрáннии Христóвы: помози́те ми на судé, да спасéт дýшу мою́ от си́лы врáжия.

Слава: Ны́не к вам воздежý рýце, свя́тии мýченицы, пусты́нницы, дéвственницы, прáведницы и вси святи́и, моля́щиися ко Гóсподу за весь мир, да поми́лует мя в час смéрти моея́.

И ныне: Мáти Бóжия, помози́ ми, на Тя си́льне надéющемуся, умоли́ Сы́на Своегó, да постáвит мя недостóйнаго одеснýю Себé, егдá ся́дет судя́й живы́х и мéртвых, ами́нь.

Молитва

Влады́ко Христé Бóже, И́же страстьми́ Свои́ми стрáсти моя́ исцели́вый и я́звами Свои́ми я́звы моя́ уврачевáвый, дáруй мне, мнóго Тебé прегреши́вшему, слéзы умилéния; сраствори́ моемý тéлу от обоня́ния Животворя́щаго Тéла Твоегó, и наслади́ дýшу мою́ Твоéю Честнóю Крóвию от гóрести, éюже мя сопроти́вник напои́; возвы́си мой ум к Тебé, дóлу пони́кший, и возведи́ от прóпасти поги́бели: я́ко не и́мам покая́ния, не и́мам умилéния, не и́мам слéзы утéшительныя, возводя́щий чáда ко своемý наслéдию. Омрачи́хся умóм в житéйских страстéх, не могý воззрéти к Тебé в болéзни, не могý согрéтися слезáми, я́же к Тебé любвé. Но, Влады́ко Гóсподи Иисýсе Христé, сокрóвище благи́х, дáруй мне покая́ние всецéлое и сéрдце люботрýдное во взыскáние Твоé, дáруй мне благодáть Твою́ и обнови́ во мне зрáки Твоегó óбраза. Остáвих Тя, не остáви менé; изы́ди на взыскáние моé, возведи́ к пáжити Твоéй и сопричти́ мя овцáм избрáннаго Твоегó стáда, воспитáй мя с ни́ми от злáка Божéственных Твои́х Тáинств, моли́твами Пречи́стыя Твоея́ Мáтере и всех святы́х Твои́х. Ами́нь.

Добавить комментарий

Ваш адрес email не будет опубликован. Обязательные поля помечены *