Глубиною мудрости

Неделя блудного сына

Все воскресное гласа, кроме кондака сего, гл. 3:

Отеческия славы Твоея удалихся безумно, в злых расточив, еже ми предал еси богатство. Темже Ти блуднаго глас приношу: согреших пред Тобою, Отче щедрый, приими мя кающася, и сотвори мя яко единаго от наемник Твоих.

Суббота мясопустная

Родительская суббота

Тропарь, гл. 8 Глубиною мудрости человеколюбно вся строяй, и полезное всем подаваяй, едине Содетелю, упокой, Господи, души раб Твоих: на Тя бо упование возложиша Творца и Зиждителя и Бога нашего.

Кондак, гл. 8 Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь бесконечная.

На литургии

Прокимен, гл. 6: Души их во благих водворятся.

Стих: К Тебе, Господи, воздвигох душу мою, Боже мой.

Аллилуиа, гл. 6: Блажени, яже избрал и приял еси, Господи, и память их в род и род.

Причастен: Блажени, яже избрал и приял еси, Господи, и память их в род и род.

Неделя мясопустная

Тропарь: воскресен гласа

Кондак, гл. 1

Егда приидеши, Боже, на землю со славою, и трепещут всяческая: река же огненная пред судищем влечет, книги разгибаются, и тайная являются: тогда избави мя от огня неугасимаго и сподоби мя одесную Тебе стати, Судие Праведнейший.

На литургии

Прокимен, гл. 3: Велий Господь, и велия крепость Его, и разума Его несть числа.

Стих: Хвалите Господа, яко благ псалом.

Аллилуиа, гл. 8: Приидите, возрадуемся Господеви, воскликнем Богу, Спасителю нашему.

Суббота сыропустная

Память всех, в посте просиявших

Тропарь, гл. 4 Боже отец наших, творяй присно с нами по Твоей кротости, не остави милость Твою от нас, но молитвами их в мире управи живот наш.

Кондак, гл. 8 Яко благочестия проповедники, и нечестия обуздатели, Богоносных собор уяснил еси, подсолнечную осиявающия в мире совершенном: тех молитвами Тебе славящия и величающия сохрани, поющия Ти, Господи, аллилуиа.

На литургии

Прокимен, гл. 4: Восхвалятся преподобнии во славе и возрадуются на ложах своих.

Стих: Возношения Божия в гортани их, и мечи обоюду остры в руках их.

Аллилуиа, гл. 2: Насаждени в дому Господни, во дворех Бога нашего процветут.

Причастен: Радуйтеся, праведнии, о Господе, правым подобает похвала.

Неделя сыропустная

Тропарь: воскресен гласа

Кондак, гл. 6

Премудрости наставниче, смысла Подателю, немудрых Наказателю и нищих Защитителю, утверди, вразуми сердце мое, Владыко: Ты даждь ми слово, Отчее Слово, се бо устне мои не возбраню, во еже звати Тебе: Милостиве, помилуй мя падшаго.

На литургии

Прокимен, гл. 8: Помолитеся и воздадите Господеви Богу нашему.

Стих: Ведом во Иудеи Бог, во Израили велие имя Его.

Аллилуиа, гл. 6: Благо есть исповедатися Господеви и пети имени Твоему, Вышний.

На вечерни

Прокимен, гл. 8: Не отврати лица Твоего от отрока Твоего, яко скорблю, скоро услыши мя: вонми души моей и избави ю.

Этот прокимен поется и в неделю 2 и 4 Четыредесятницы

Молитва св. Ефрема Сирина

Господи и Владыко живота моего, дух праздности, уныния, любоначалия и празднословия не даждь ми (поклон).

Дух же целомудрия, смиренномудрия, терпения и любве даруй ми, рабу Твоему (поклон).

Ей, Господи Царю, даруй ми зрети моя прегрешения и не осуждати брата моего, яко благословен еси во веки веков. Аминь (поклон).

Суббота первая поста

Память чуда колива вел. муч. Феодора Тирона

Тропарь, гл. 2

Велия веры исправления, во источнице пламене, яко на воде упокоения, святый мученик Феодор радовашеся, огнем бо всесожжегся, яко хлеб сладкий Троице принесеся: того молитвами, Христе Боже, спаси душы наша.

Кондак, гл. 8 Веру Христову яко щит внутрь приим в сердце твоем, противныя силы попрал еси, многострадальче, и венцем небесным венчался еси вечно, Феодоре, яко непобедимый.

На литургии

Прокимен, гл. 7: Возвеселится праведник о Господе и уповает на Него.

Стих: Услыши, Боже, глас мой, внегда молити ми ся к Тебе.

Аллилуиа, гл. 4: Праведник яко финике процветет, яко кедр, иже в Ливане, умножится.

Причастен: В память вечную будет праведник, от слуха зла не убоится.

Неделя первая поста

Торжество православия: память восстановления святых и честных икон, и память святых пророков

Тропарь: воскресен гласа и следующий, гл. 2

Пречистому образу Твоему покланяемся, Благий, просяще прощения прегрешений наших, Христе Боже: волею бо благоволил еси плотию взыти на крест, да избавиши, яже создал еси, от работы вражия.

Тем благодарственно вопием Ти: радости исполнил еси вся, Спасе наш, пришедый спасти мир.

Кондак, гл. 8 Неописанное Слово Отчее, из Тебе, Богородице, описася воплощаемь и оскверншийся образ в древнее вообразив, Божественною добротою смеси: но исповедающе спасение, делом и словом сие воображаем.

На литургии

Прокимен, гл. 4: Благословен еси, Господи, Боже отец наших, и хвально и прославлено имя Твое во веки.

Стих: Яко праведен еси о всех, яже сотворил еси нам.

Аллилуиа, гл. 4: Моисей и Аарон во иереех Его и Самуил в призывающих имя Его.

В неделю вечера прокимен, гл. 8: Дал еси достояние боящимся Тебе, Господи.

Этот прокимен читается и в неделю 3 и 5 Четыредесятницы.

Неделя вторая поста

Тропарь: воскресен гласа

Кондак, гл. 4

Ныне время делательное явися, при дверех суд, востанем убо постящеся, принесем слезы умиления, милостынями зовуще: согрешихом паче песка морскаго, но ослаби, Содетелю всех, яко да приимем нетленныя венцы.

На литургии

Прокимен, гл. 5: Ты, Господи, сохраниши ны и соблюдеши ны от рода сего и во век.

Стих: Спаси мя, Господи, яко оскуде преподобный.

Аллилуиа.

В неделю вечера Прокимен, гл. 8: Не отврати лица Твоего от отрока Твоего, яко скорблю, скоро услыши мя: вонми души моей и избави ю.

Неделя третья поста

Крестопоклонная

Тропарь: воскресен гласа и следующий, гл. 1 Спаси, Господи, люди Твоя… (как в среду).

Кондак, гл. 7 Не ктому пламенное оружие хранит врат Едемских, на тыя бо найде преславный соуз, — древо крестное: смертное жало и адова победа прогнася, предстал бо еси. Спасе мой, вопия сущим во аде: внидите паки в рай.

Тропарь поклонения Кресту Твоему покланяемся, Владыко, и святое воскресение Твое славим.

На литургии

Прокимен, гл. 6: Спаси, Господи, люди Твоя и благослови достояние Твое.

Стих: К Тебе, Господи, воззову, Боже мой, да не премолчиши от мене.

Аллилуиа, гл. 8: Помяни сонм Твой, егоже стяжал еси исперва.

Стих: Бог же Царь наш прежде века, содела спасение посреде земли.

Причастен: Знаменася на нас свет лица Твоего, Господи.

В неделю вечера Прокимен, гл. 8: Дал еси достояние боящимся Тебе, Господи.

Последование Панихиды

Диакон: Благослови́, влады́ко.

Священник: Благослове́н Бог наш всегда́, ны́не и при́сно, и во ве́ки веко́в.

Таже псалом 90.

Живы́й в по́мощи Вы́шняго, в кро́ве Бо́га небе́снаго водвори́тся. Рече́т Го́сподеви: засту́пник мой еси́ и прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи, и от словесе́ мяте́жна, плещма́ Свои́ма осени́т тя, и под криле́ Его́ наде́ешися, ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тьме преходя́щия, от сря́ща и бе́са полу́деннаго. Паде́т от страны́ твое́й ты́сяща, и тьма одесну́ю тебе́, к тебе́ же не прибли́жится, оба́че очи́ма твои́ма смо́триши и воздая́ние гре́шников у́зриши. Я́ко Ты, Го́споди, упова́ние мое́; Вы́шняго положи́л еси́ прибе́жище твое́. Не прии́дет к тебе́ зло, и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́; на а́спида и васили́ска насту́пиши, и попере́ши льва и зми́я. Я́ко на Мя упова́, и изба́влю и́; покры́ю и́, я́ко позна́ и́мя Мое́. Воззове́т ко Мне, и услы́шу его́, с ним есмь в ско́рби, изму́ его́ и просла́влю его́, долгото́ю дней испо́лню его́ и явлю́ ему́ спасе́ние Мое́.

Слава, и ныне: Аллилу́иа, аллилу́иа, аллилу́иа, сла́ва Тебе́, Бо́же. Трижды.

Посем ектения:

Диакон: Ми́ром Го́споду помо́лимся.

Лик: Го́споди, поми́луй.

О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

О оставле́нии согреше́ний, во блаже́нней па́мяти преста́вльшихся, Го́споду помо́лимся.

Лик: Го́споди, поми́луй.

О приснопа́мятных рабе́х Бо́жиих , поко́я, тишины́, блаже́нныя па́мяти их, Го́споду помо́лимся.

Лик: Го́споди, поми́луй.

О прости́ти им вся́кое прегреше́ние во́льное и нево́льное, Го́споду помо́лимся.

Лик: Го́споди, поми́луй.

О неосужде́нным предста́ти у стра́шнаго престо́ла Го́спода сла́вы, Го́споду помо́лимся.

Лик: Го́споди, поми́луй.

О пла́чущих и боле́знующих, ча́ющих Христо́ва утеше́ния, Го́споду помо́лимся.

Лик: Го́споди, поми́луй.

О отпусти́тися им от вся́кия боле́зни, печа́ли, и воздыха́ния: и всели́ти их иде́же присеща́ет свет лица́ Бо́жия, Го́споду помо́лимся.

Лик: Го́споди, поми́луй.

О я́ко да Госпо́дь Бог наш учини́т ду́ши их в ме́сте све́тле, в ме́сте зла́чне, в ме́сте поко́йне, иде́же вси пра́веднии пребыва́ют, Го́споду помо́лимся.

Лик: Го́споди, поми́луй.

О причте́нии их в не́дрех Авраа́ма, и Исаа́ка, и Иа́кова, Го́споду помо́лимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Ми́лости Бо́жия, Ца́рства Небе́снаго, и оставле́ния грехо́в испроси́вше тем и са́ми себе́, друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглас: Я́ко Ты еси́ воскресе́ние и живо́т, и поко́й усо́пших раб Твои́х, , Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Глас 8: Аллилу́иа. Трижды.

Стих 1. Блаже́ни, я́же избра́л, и прия́л еси́, Го́споди.

Стих 2: Па́мять их в род и род.

Стих 3: Ду́ши их во благи́х водворя́тся.

Тропарь, глас тойже:

Глубино́ю му́дрости человеколю́бно вся стро́яй / и поле́зное всем подава́яй, / Еди́не Соде́телю, упоко́й, Го́споди, ду́ши раб Твои́х, / на Тя бо упова́ние возложи́ша, / Творца́ и Зижди́теля и Бо́га на́шего.

Слава, и ныне: Тебе́ и сте́ну и приста́нище и́мамы, / и моли́твенницу благоприя́тну к Бо́гу, / Его́же родила́ еси́, Богоро́дице безневе́стная, ве́рных спасе́ние.

И абие:

Благослове́н еси́, Го́споди, / научи́мя оправда́нием Твои́м.

Святы́х лик обре́те исто́чник жи́зни и дверь ра́йскую, / да обря́щу и аз путь покая́нием: / поги́бшее овча́ аз есмь, / воззови́ мя Спа́се, и спаси́ мя.

Благослове́н еси́, Го́споди, / научи́мя оправда́нием Твои́м.

А́гнца Бо́жия пропове́давше, / и закла́ни бы́вше я́коже а́гнцы, / и к жи́зни нестаре́емей святи́и, / и присносу́щней преста́вльшеся. / Того́ приле́жно му́ченицы моли́те, / долго́в разреше́ние нам дарова́ти.

Благослове́н еси́, Го́споди, / научи́мя оправда́нием Твои́м.

В путь у́зкий хо́ждшии приско́рбный, / вси в житии́ крест я́ко яре́м взе́мшии, / и Мне после́довавшии ве́рою, / прииди́те наслади́теся, / и́хже угото́вах вам по́честей, / и венце́в небе́сных.

Благослове́н еси́, Го́споди, / научи́мя оправда́нием Твои́м.

О́браз есмь неизрече́нныя Твоея́ сла́вы, / а́ще и я́звы ношу́ прегреше́ний: / уще́дри Твое́ созда́ние Влады́ко, / и очи́сти Твои́м благоутро́бием, / и возжеле́нное оте́чество пода́ждь ми, / рая́ па́ки жи́теля мя сотворя́я.

Благослове́н еси́, Го́споди, / научи́мя оправда́нием Твои́м.

Дре́вле у́бо от не су́щих созда́вый мя, / и о́бразом Твои́м Боже́ственным почты́й, / преступле́нием же за́поведи / па́ки мя возврати́вый в зе́млю, от нея́же взят бых, / на е́же по подо́бию возведи́ / дре́внею добро́тою возобрази́тися.

Благослове́н еси́, Го́споди, / научи́мя оправда́нием Твои́м.

Упоко́й Бо́же рабы́ Твоя́, / и учини́ я в раи́, / иде́же ли́цы святы́х Го́споди, / и пра́ведницы сия́ют я́ко свети́ла, / усо́пшия рабы́ Твоя́ упоко́й, / презира́я их вся согреше́ния.

Сла́ва: Трисия́тельное еди́наго Божества́, благоче́стно пое́м вопию́ще: / Свят еси́ О́тче Безнача́льный, / Собезнача́льный Сы́не, и Боже́ственный Ду́ше: / просвети́ нас ве́рою Тебе́ служа́щих, / и ве́чнаго огня́ исхити́.

И ны́не: Ра́дуйся Чи́стая, Бо́га пло́тию ро́ждшая во спасе́ние всех, / Е́юже род челове́ческий обре́те спасе́ние: / Тобо́ю да обря́щем рай, / Богоро́дице Чи́стая благослове́нная.

Аллилу́ия, аллилу́ия, аллилу́ия, сла́ва Тебе́ Бо́же. Трижды.

Посем ектения:

Диакон: Па́ки и па́ки ми́ром Го́споду помо́лимся.

Лик: Го́споди, поми́луй.

Еще́ мо́лимся о упокое́нии душ усо́пших рабо́в Бо́жиих , и о е́же прости́тися им вся́кому прегреше́нию, во́льному же и нево́льному.

Лик: Го́споди, поми́луй.

Я́ко да Госпо́дь Бог учини́т ду́ши их, иде́же пра́веднии упокоя́ются.

Лик: Го́споди, поми́луй.

Ми́лости Бо́жия, Ца́рства Небе́снаго и оставле́ния грехо́в их, у Христа́, безсме́ртнаго Царя́ и Бо́га на́шего, про́сим.

Лик: Пода́й, Го́споди.

Диакон: Го́споду помо́лимся.

Лик: Го́споди, поми́луй.

Священник глаголет молитву сию: Бо́же духо́в и вся́кия пло́ти, сме́рть попра́вый и диа́вола упраздни́вый, и живо́т мiру Твоему́ дарова́вый: Сам, Го́споди, упоко́й ду́ши усо́пших рабо́в Твои́х , в ме́сте све́тле, в ме́сте зла́чне, в ме́сте поко́йне, отню́дуже отбеже́ боле́знь, печа́ль и воздыха́ние. Вся́кое согреше́ние, соде́янное и́ми сло́вом, или́ де́лом, или́ помышле́нием, я́ко благи́й человеколю́бец Бог, прости́, я́ко несть челове́к, и́же жив бу́дет и не согреши́т. Ты бо Еди́н кроме́ греха́, пра́вда Твоя́ пра́вда во ве́ки, и сло́во Твое́ и́стина.

Возглас: Я́ко Ты еси́ воскресе́ние и живо́т, и поко́й усо́пших рабо́в Твои́х , Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

И глаголем седален, глас 5:

Поко́й, Спа́се наш, / с пра́ведными рабы́ Твоя́, / и сия́ всели́ во дворы́ Твоя́, / я́коже есть пи́сано, / презира́я, я́ко благ, прегреше́ния их / во́льная и нево́льная, / и вся я́же в ве́дении и не в ве́дении, Человеколю́бче.

Слава, и ныне, Богородичен: От Де́вы возсия́вый мiру, Христе́ Бо́же, / сы́ны све́та То́ю показа́вый, / поми́луй нас.

Таже, псалом 50.

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.

И абие канон, глас 6.

Песнь ́.

Ирмос: Я́ко по су́ху пешеше́ствовав Изра́иль, / по бе́здне стопа́ми, / гони́теля фарао́на / ви́дя потопля́ема, / Бо́гу побе́дную песнь / пои́м, вопия́ше.

Запевы:

Поко́й, Го́споди, / ду́ши усо́пших раб Твои́х.

Сла́ва Отцу́ и Сы́ну, / и Свято́му Ду́ху.

И ны́не и при́сно, / и во ве́ки веко́в, ами́нь.

Песнь 3.

Ирмос: Несть свят, / я́коже Ты, Го́споди Бо́же мой, / вознесы́й рог ве́рных Твои́х, Бла́же, / и утверди́вый нас на ка́мени / испове́дания Твоего́.

Запевы:

Поко́й, Го́споди, / ду́ши усо́пших раб Твои́х.

Сла́ва Отцу́ и Сы́ну, / и Свято́му Ду́ху.

И ны́не и при́сно, / и во ве́ки веко́в, ами́нь.

И катавасия: Несть свят:

Таже ектения:

Диакон: Па́ки и па́ки ми́ром Го́споду помо́лимся.

Лик: Го́споди, поми́луй.

Еще́ мо́лимся о упокое́нии душ усо́пших рабо́в Бо́жиих , и о е́же прости́тися им вся́кому прегреше́нию, во́льному же и нево́льному.

Лик: Го́споди, поми́луй.

Я́ко да Госпо́дь Бог учини́т ду́ши их иде́же пра́веднии упокоя́ются.

Лик: Го́споди, поми́луй.

Ми́лости Бо́жия, Ца́рства Небе́снаго и оставле́ния грехо́в их у Христа́, безсме́ртнаго Царя́ и Бо́га на́шего, про́сим.

Лик: Пода́й, Го́споди.

Иерей: Я́ко Ты еси́ воскресе́ние и живо́т, и поко́й усо́пших рабо́в Твои́х , Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Седален, глас 6:

Вои́стинну суета́ вся́ческая, / житие́ же сень и со́ние, / и́бо всу́е мяте́тся всяк земноро́дный, / я́коже рече́ Писа́ние: / егда́ мiр приобря́щем, / тогда́ во гроб всели́мся, / иде́же вку́пе ца́рие и ни́щии. / Те́мже, Христе́ Бо́же, / преста́вльшияся упоко́й, / я́ко Человеколю́бец.

Слава, и ныне, Богородичен: Всесвята́я Богоро́дице, / во вре́мя живота́ мое́го не оста́ви мене́, / челове́ческому предста́тельству не вве́ри мя, / но Сама́ заступи́ и поми́луй мя.

Песнь 4.

Ирмос: Христо́с моя́ си́ла, / Бог и Госпо́дь, честна́я Це́рковь / боголе́пно пое́т, взыва́ющи / от смы́сла чи́ста, о Го́споде пра́зднующи.

Запевы:

Поко́й, Го́споди, / ду́ши усо́пших раб Твои́х.

Сла́ва Отцу́ и Сы́ну, / и Свято́му Ду́ху.

И ны́не и при́сно, / и во ве́ки веко́в, ами́нь.

Песнь 5.

Запевы:

Поко́й, Го́споди, / ду́ши усо́пших раб Твои́х.

Сла́ва Отцу́ и Сы́ну, / и Свято́му Ду́ху.

И ны́не и при́сно, / и во ве́ки веко́в, ами́нь.

Песнь 6.

Ирмос: Жите́йское мо́ре, / воздвиза́емое зря напа́стей бу́рею, / к ти́хому приста́нищу Твоему́ прите́к, вопию́ Ти: / возведи́ от тли живо́т мой, / Многоми́лостиве.

Запевы:

Поко́й, Го́споди, / ду́ши усо́пших раб Твои́х.

Сла́ва Отцу́ и Сы́ну, / и Свято́му Ду́ху.

И ны́не и при́сно, / и во ве́ки веко́в, ами́нь.

И катавасия: Жите́йское мо́ре:

Таже ектения:

Диакон: Па́ки и па́ки ми́ром Го́споду помо́лимся.

Лик: Го́споди, поми́луй.

Еще́ мо́лимся о упокое́нии душ усо́пших рабо́в Бо́жиих , и о е́же прости́тися им вся́кому прегреше́нию, во́льному же и нево́льному.

Лик: Го́споди, поми́луй.

Я́ко да Госпо́дь Бог учини́т ду́ши их иде́же пра́веднии упокоя́ются.

Лик: Го́споди, поми́луй.

Ми́лости Бо́жия, Ца́рства Небе́снаго и оставле́ния грехо́в их у Христа́, безсме́ртнаго Царя́ и Бо́га на́шего, про́сим.

Лик: Пода́й, Го́споди.

Иерей: Я́ко Ты еси́ воскресе́ние и живо́т, и поко́й усо́пших рабо́в Твои́х , Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Кондак, глас 8:

Со святы́ми упоко́й, / Христе́, ду́ши раб Твои́х, / иде́же несть боле́знь, ни печа́ль, / ни воздыха́ние, / но жизнь безконе́чная.

Икос: Сам еди́н еси́ безсме́ртный, / сотвори́вый и созда́вый челове́ка: / земни́и у́бо от земли́ созда́хомся, / и в зе́млю ту́южде по́йдем, / я́коже повеле́л еси́, созда́вый мя и реки́й ми: / я́ко земля́ еси́, и в зе́млю оты́деши: / а́може вси челове́цы по́йдем, / надгро́бное рыда́ние, творя́ще песнь: / аллилу́ия.

Песнь 7.

Ирмос: Росода́тельну у́бо пещь / соде́ла А́нгел / преподо́бным отроко́м, / халде́и же опаля́ющее / веле́ние Бо́жие, / мучи́теля увеща́ вопи́ти: / благослове́н еси́, Бо́же оте́ц на́ших.

Запевы:

Поко́й, Го́споди, / ду́ши усо́пших раб Твои́х.

Сла́ва Отцу́ и Сы́ну, / и Свято́му Ду́ху.

И ны́не и при́сно, / и во ве́ки веко́в, ами́нь.

Песнь 8.

Ирмос: Из пла́мене преподо́бным ро́су источи́л еси́ / и пра́веднаго же́ртву водо́ю попали́л еси́: / вся бо твори́ши, Христе́, то́кмо е́же хоте́ти. / Тя превозно́сим во вся ве́ки.

Запевы:

Поко́й, Го́споди, / ду́ши усо́пших раб Твои́х.

Благослови́м Отца́, и Сы́на, и Свята́го Ду́ха, / Го́спода.

И ны́не и при́сно, / и во ве́ки веко́в, ами́нь.

Песнь 9.

Ирмос: Бо́га / челове́ком невозмо́жно ви́дети, / на Него́же не сме́ют чи́ни А́нгельстии взира́ти; / Тобо́ю же, Всечи́стая, яви́ся челове́ком / Сло́во Воплоще́нно, / Его́же велича́юще, / с небе́сными во́и Тя ублажа́ем.

Запевы:

Поко́й, Го́споди, / ду́ши усо́пших раб Твои́х.

Сла́ва Отцу́ и Сы́ну, / и Свято́му Ду́ху.

И ны́не и при́сно, / и во ве́ки веко́в, ами́нь.

Таже иерей: Богоро́дицу и Ма́терь Све́та в пе́снех возвели́чим.

Лик: Ду́си и ду́ши пра́ведных восхва́лят Тя, Го́споди.

Катавасия: Бо́га челове́ком:

Чтец: Трисвятое по О́тче наш: Иерей: Я́ко Твое́ есть Ца́рство: Чтец: Ами́нь.

И абие поют тропари сия. Глас 4:

Со ду́хи пра́ведных сконча́вшихся, / ду́ши раб Твои́х, Спа́се, упоко́й, / сохраня́я их во блаже́нной жи́зни, / я́же у Тебе́, Человеколю́бче.

В поко́ищи Твое́м, Го́споди, / иде́же вси святи́и Твои́ упокоева́ются, / упоко́й и ду́ши раб Твои́х, / я́ко Еди́н еси́ Человеколю́бец.

Слава: Ты еси́ Бог соше́дый во ад, и у́зы окова́нных разреши́вый, / Сам и ду́ши раб Твои́х упоко́й.

И ныне: Еди́на чи́стая и непоро́чная Де́во, Бо́га без се́мене ро́ждшая, / моли́ спасти́ся душа́м их.

Диакон глаголет:

Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй, трижды.

Еще́ мо́лимся о упокое́нии душ усо́пших рабо́в Бо́жиих , и о е́же прости́тися им вся́кому прегреше́нию, во́льному же и нево́льному.

Лик: Го́споди, поми́луй, трижды.

Я́ко да Госпо́дь Бог учини́т ду́ши их иде́же пра́веднии упокоя́ются.

Лик: Го́споди, поми́луй, трижды.

Ми́лости Бо́жия, Ца́рства Небе́снаго и оставле́ния грехо́в их, у Христа́, безсме́ртнаго Царя́ и Бо́га на́шего, про́сим.

Лик: Пода́й, Го́споди.

Диакон: Го́споду помо́лимся.

Лик: Го́споди, поми́луй.

Священник глаголет молитву сию:

Бо́же духо́в и вся́кия пло́ти, сме́рть попра́вый и диа́вола упраздни́вый, и живо́т мiру Твоему́ дарова́вый: Сам, Го́споди, упоко́й ду́ши усо́пших рабо́в Твои́х , в ме́сте све́тле, в ме́сте зла́чне, в ме́сте поко́йне, отню́дуже отбеже́ боле́знь, печа́ль и воздыха́ние. Вся́кое согреше́ние, соде́янное и́ми сло́вом, или́ де́лом, или́ помышле́нием, я́ко благи́й человеколю́бец Бог, прости́, я́ко несть челове́к, и́же жив бу́дет и не согреши́т. Ты бо Еди́н кроме́ греха́, пра́вда Твоя́ пра́вда во ве́ки, и сло́во Твое́ и́стина.

Возглас: Я́ко Ты еси́ воскресе́ние и живо́т, и поко́й усо́пших рабо́в Твои́х , Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Посем диакон: Прему́дрость.

Лик: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не: Го́споди, поми́луй, трижды. Благослови́.

Иерей отпуст:

Живы́ми и ме́ртвыми облада́яй, воскресы́й из ме́ртвых, Христо́с, и́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, преподо́бных и богоно́сных оте́ц на́ших и всех святы́х, ду́ши от нас преста́вльшихся рабо́в Свои́х , в селе́ниих пра́ведных учини́т, в не́дрех Авраа́ма упоко́ит и с пра́ведными причте́т, и нас поми́лует, я́ко Благ и Человеколю́бец.

Лик: Ами́нь.

И по отпусте:

Диакон возглашает: Во блаже́нном успе́нии ве́чный поко́й пода́ждь, Го́споди, усо́пшим рабо́м Твои́м , и сотвори́ им ве́чную па́мять.

Певцы поют: Ве́чная па́мять, трижды.

В субботу третьей седмицы Великого поста настоятель прихода протоиерей Андрей Амелин возглавил служение Божественной литургии.

Отцу Андрею сослужили клирики прихода.

По окончании литургии была совершена панихида, на которой возносились молитвы об упокоении душ «всех от века усопших православных христиан».

В дни, именуемые Родительскими субботами, в православных храмах совершается особое поминовение умерших православных христиан.

Разумеется, поминовение усопших не ограничивается несколькими днями. Панихиды служить можно, за редким исключением, круглый год, но есть такие субботние дни, в которые Церковь призывает всех своих чад объединяться в молитве о своих усопших.

В частности, в дни Великого поста Церковь установила три особых дня для молитвы об усопших. Это субботы 2-й, 3-й и 4-й седмиц поста. В этом году они выпадают на даты: 11, 18 и 25 марта.

Вот, что пишет о поминовении усопших митрополит Николай (Ярушевич), один и выдающихся архиереев, проповедников и богословов ХХ века, в своем слове «Сила любви»:

«…И наша молитва за наших дорогих покойников является средством духовного общения с нашими усопшими отцами, братьями, сестрами, детьми, является путем передачи им голоса нашего сердца. Мы молимся об их упокоении, мы просим у Господа милости для них, дарования Царства Небесного. И наша молитва за собратьев не может остаться не услышанной Тем, Кто слышит каждый вздох верующего человека, даже ещё не вырвавшийся из груди. И по нашим молитвам, по молитвам всей Церкви об усопших Господь посылает утешение и облегчение душам тех, которые отходили к Нему хотя бы с зачатками веры, хотя бы с началом и не доведенным до конца покаяния в своих делах.

Ещё большее значение имеет для душ усопших, для их посмертного утешения и для облегчения их участи Бескровная Жертва, приносимая за Божественной Литургией. Святитель Димитрий Ростовский говорит: «Если бы только мы могли себе представить, с каким волнением ожидает душа усопшего той минуты, когда ты войдёшь в храм Божий, когда подашь его имя для поминовения, когда вынется частица за упокой его души! Каким радостным трепетом наполнится его душа, когда эта частица, по уставу Церкви, опускается в Святую Чашу, омывается Святой Кровью Христовой при молитве совершителя богослужения: «Омый, Господи, грехи поминавшихся зде Кровию Твоею Честною!»

Когда мы сами будем там, мы почувствуем, как будем нуждаться в этой молитве о себе, с каким трепетом будем ожидать молитвы тех, кто останется жить после нас и будет приносить молитву за нас пред Господом.

Молитва – это не только средство общения нашей души с душой усопшего, но это – доброе дело, дело любви, какое каждый из нас во имя любви к Спасителю творит в отношении тех близких и дорогих, с которыми мы вместе жили, вместе молились, вместе воздыхали в дни поста вздохами покаяния в своих грехах и вместе предстояли пред Святой Чашей.

Если ты хочешь сделать еще другое доброе дело душе усопшего, подай в память его милостыню бедному, сделай еще что-нибудь доброе по велению твоего сердца во имя упокоения и спасения души дорогого тебе человека.

Через эти добрые дела, какие мы совершаем во имя умерших, Господь подает их душам Свое благословение, Свою Отеческую любовь. Он – Всеправедный Судия и Отец людей, Он ли не воздаст за наше малое дело Свою любовь тем, кого мы поминаем, во имя кого мы совершаем это доброе дело? Он – Сладчайший Утешитель всех скорбящих и унывающих и, принимая из наших рук, нашего сердца дела любви, совершаемые во имя усопших, Он ли не ответит Своими милостынями душе того, чье имя мы носим в своем сердце и во имя кого мы творим доброе дело?»



Авторы Произведения Рецензии Поиск Магазин Вход для авторов О портале Стихи.ру Проза.ру

Портал Стихи.ру предоставляет авторам возможность свободной публикации своих литературных произведений в сети Интернет на основании пользовательского договора. Все авторские права на произведения принадлежат авторам и охраняются законом. Перепечатка произведений возможна только с согласия его автора, к которому вы можете обратиться на его авторской странице. Ответственность за тексты произведений авторы несут самостоятельно на основании правил публикации и законодательства Российской Федерации. Данные пользователей обрабатываются на основании Политики обработки персональных данных. Вы также можете посмотреть более подробную информацию о портале и связаться с администрацией.

Ежедневная аудитория портала Стихи.ру – порядка 200 тысяч посетителей, которые в общей сумме просматривают более двух миллионов страниц по данным счетчика посещаемости, который расположен справа от этого текста. В каждой графе указано по две цифры: количество просмотров и количество посетителей.

Детально: глубиною мудрости человеколюбно вся строяй — со всех открытых источников и разных уголков мира на сайте 1000-molitv.ru для наших уважаемых читателей.

Оглавление

11 В Троицкую родительскую субботу (тропарь, Богородичен и кондак)

Тропарь, глас 8:

Слава, и ныне: Богородичен:

Кондак, глас 6:

Назад к списку

Сохранить в WordСохранить в PDF

Память совершаем всех от века усопших
благочестивых христиан, отец и братий наших.

Тропарь, глас 8:

Глубино́ю му́дрости человеколю́бно вся стро́яй / и поле́зное всем подава́яй, / Еди́не Соде́телю, упоко́й, Го́споди, ду́ши раб Твои́х, / на Тя бо упова́ние возложи́ша, / Творца́ и Зижди́теля и Бо́га на́шего.

Слава, и ныне, Богородичен, глас тойже: Тебе́ и сте́ну, и приста́нище и́мамы, / и моли́твенницу благоприя́тну к Бо́гу, / Его́же родила́ еси́, Богоро́дице безневе́стная, ве́рных спасе́ние.

Канон. Глас 6. Песнь 1.

Ирмос: Я́ко по су́ху пешеше́ствовав Изра́иль, / по бе́здне стопа́ми, / гони́теля фарао́на / ви́дя потопля́ема, / Бо́гу побе́дную песнь / пои́м, вопия́ше.

В небе́сных черто́зех вы́ну до́блии му́ченицы мо́лят Тя, Христе́, / я́же от земли́ преста́вил еси́ ве́рныя, / ве́чных благ получи́ти сподо́би.

Украше́й вся́ческая, живо́тное смеше́нное, / посреде́ мя, челове́ка, смире́ния вку́пе и вели́чества, созда́л еси́, / те́мже раб Твои́х ду́ши, Спа́се, упоко́й.

Слава: Рая́ жи́теля и земледе́лателя в нача́ле мя учини́л еси́, / престу́пльша же Твою́ за́поведь изгна́л еси́, / те́мже раб Твои́х ду́ши, Спа́се, упоко́й.

И ныне, Богородичен: И́же от ребра́ Созда́вый Е́ву, пре́жде на́шу прама́терь, / из пречи́стаго Твоего́ чре́ва в плоть одева́ется, / е́юже сме́рти кре́пость, Чи́стая, разруши́.

Песнь 3.

Ирмос: Несть свят, / я́коже Ты, Го́споди Бо́же мой, / вознесы́й рог ве́рных Твои́х, Бла́же, / и утверди́вый нас на ка́мени / испове́дания Твоего́.

Зако́нно пострада́ша Твои́ му́ченицы, Жизнода́вче, / и венце́м побе́ды украси́вшеся, / от Тебе́ преста́вльшимся ве́рным ве́чное избавле́ние подаю́т.

Наказа́в пе́рвее мно́гими чудесы́ и зна́меньми мене́, заблу́дшаго, / напосле́док самого́ Себе́ истощи́л еси́, я́ко сострада́тель, / и поиска́в обре́л и спасл еси́.

Слава: От теку́щих непостоя́тельныя тли, к Тебе́ преше́дшия, / в селе́ниих ве́чных жи́ти ра́достно сподо́би, Бла́же, / оправда́в ве́рою же и благода́тию.

И ныне, Богородичен: Несть непоро́чны, я́коже Ты, Пречи́стая Богома́ти, / еди́на бо от ве́ка Бо́га и́стиннаго зачала́ еси́ во чре́ве, / сме́рти разруши́вшаго си́лу.

Седален, глас 6:

Вои́стинну суета́ вся́ческая, / житие́ же сень и со́ние, / и́бо всу́е мяте́тся всяк земноро́дный, / я́коже рече́ Писа́ние: / егда́ мiр приобря́щем, / тогда́ во гроб всели́мся, / иде́же вку́пе ца́рие и ни́щии. / Те́мже, Христе́ Бо́же, / преста́вльшияся упоко́й, / я́ко Человеколю́бец.

Слава, и ныне, Богородичен: Всесвята́я Богоро́дице, / во вре́мя живота́ мое́го не оста́ви мене́, / челове́ческому предста́тельству не вве́ри мя, / но Сама́ заступи́ и поми́луй мя.

Песнь 4.

Ирмос: Христо́с моя́ си́ла, / Бог и Госпо́дь, честна́я Це́рковь / боголе́пно пое́т, взыва́ющи / от смы́сла чи́ста, о Го́споде пра́зднующи.

Прему́дрости бо́льшее явля́я позна́ние, / и е́же о даре́х многосоверше́нныя, Влады́ко, благосты́ни, / му́ченическия ли́ки а́нгелом сочета́л еси́.

Неизрече́нныя сла́вы Твоея́ / получи́ти сподо́би к Тебе́ преста́вльшияся, / иде́же, Христе́, веселя́щихся есть жили́ще, / и глас чи́стаго ра́дования.

Слава: Пою́щих приими́ Боже́ственную держа́ву Твою́, / и́хже от земли́ прия́л еси́, ча́да све́та тех соде́ловая, / грехо́вную мглу очища́я, Многоми́лостиве.

И ныне, Богородичен: Прия́телище пречи́стое, храм всенепоро́чный, ковче́г всесвяты́й, / де́вственное ме́сто свяще́ния, / Тебе́, добро́ту Иа́ковлю, Влады́ка избра́л есть.

Песнь 5.

Я́ко всепло́дие свяще́нное, / и я́ко нача́ток челове́ческаго, му́ченицы, естества́ / просла́вленному прине́сшеся Бо́гу, / нам спасе́ние при́сно хода́тайствуют.

Небе́снаго пребыва́ния, раздая́ния дарова́ний сподо́би, Го́споди, / пре́жде усо́пшия ве́рныя рабы́ Твоя́, / подая́ прегреше́ний избавле́ние.

Слава: И́же еди́н естество́м Животво́рец, / и́же бла́гости вои́стинну неизсле́димая пучи́на, / сконча́вшияся Ца́рствия Твоего́ сподо́би, Ще́дре, / еди́не Безсме́ртне.

И ныне, Богородичен: Кре́пость и пе́ние и́же из Тебе́, Влады́чице, мiру Рожде́йся, / и спасе́ние быв поги́бшим, и́же от а́довых врат избавля́яй, / ве́рою Тебе́ блажа́щия.

Песнь 6.

Ирмос: Жите́йское мо́ре, / воздвиза́емое зря напа́стей бу́рею, / к ти́хому приста́нищу Твоему́ прите́к, вопию́ Ти: / возведи́ от тли живо́т мой, / Многоми́лостиве.

На Кресте́ пригвожда́емь, / му́ченическия ли́ки к Себе́ собра́л еси́, / подража́ющия страсть Твою́, Бла́же. / Те́мже мо́лимся Ти: к Тебе́ преста́вленныя ны́не упоко́й.

Неизрече́нною сла́вою Твое́ю, / егда́ прии́деши стра́шно суди́ти мiру всему́ на о́блацех, / благоволи́ све́тло сре́сти Тебе́, Изба́вителю, / я́же от земли́ прия́л еси́ ве́рныя рабы́ Твоя́.

Слава: Исто́чник жи́зни Сый, / му́жеством Боже́ственным окова́нныя, Влады́ко, изводя́й / рабы́ Твоя́, я́же к Тебе́ ве́рно отше́дшия, / в сла́дости ра́йстей всели́.

И ныне, Богородичен: В зе́млю возврати́хомся, престу́пльше Бо́жию за́поведь Боже́ственную, / Тобо́ю же, Де́во, на не́бо от земли́ вознесо́хомся, / тлю сме́ртную оттря́сше.

Кондак, глас 8:

Со святы́ми упоко́й, / Христе́, ду́ши раб Твои́х, / иде́же несть боле́знь, ни печа́ль, / ни воздыха́ние, / но жизнь безконе́чная.

Икос: Сам еди́н еси́ безсме́ртный, / сотвори́вый и созда́вый челове́ка, / земни́и у́бо от земли́ созда́хомся, / и в зе́млю ту́южде по́йдем, / я́коже повеле́л еси́, созда́вый мя и реки́й ми: / я́ко земля́ еси́ и в зе́млю оты́деши, / а́може вси челове́цы по́йдем, / надгро́бное рыда́ние творя́ще песнь: / аллилу́ия.

Песнь 7.

Ирмос: Росода́тельну у́бо пещь / соде́ла А́нгел / преподо́бным отроко́м, / халде́и же опаля́ющее / веле́ние Бо́жие, / мучи́теля увеща́ вопи́ти: / благослове́н еси́, Бо́же оте́ц на́ших.

Изба́вльшиися Твое́ю кро́вию му́ченицы пе́рваго преступле́ния, / окропи́вшеся же свое́ю кро́вию, прообразу́ют я́ве Твое́ заколе́ние, / благослове́н еси́, Бо́же оте́ц на́ших.

Свирепе́ющую смерть умертви́л еси́, Сло́ве живонача́льнейший, / в ве́ре же усо́пшия приими́ ны́не воспева́ющия и глаго́лющия, Христе́: / благослове́н еси́, Бо́же оте́ц на́ших.

Слава: Воодуши́вый мя, челове́ка, вдохнове́нием Боже́ственным Богонача́льнейший Влады́ко, / преста́вленныя Ца́рствия Твоего́ сподо́би, пе́ти Тебе́, Спа́се: / благослове́н еси́, Бо́же оте́ц на́ших.

И ныне, Богородичен: Превы́шши вся́кия тва́ри, Пренепоро́чная, была́ еси́, заче́нши Бо́га, / сокруши́вшаго сме́ртная врата́ и вереи́ сте́ршаго: / те́мже Тя, Чи́стая, песносло́вим ве́рнии, я́ко Богома́терь.

Песнь 8.

Ирмос: Из пла́мене преподо́бным ро́су источи́л еси́ / и пра́веднаго же́ртву водо́ю попали́л еси́: / вся бо твори́ши, Христе́, то́кмо е́же хоте́ти. / Тя превозно́сим во вся ве́ки.

Кре́пко по́двиги показу́юше, / побе́ды венце́м украси́стеся, му́ченицы Христо́вы страстоте́рпцы, зову́ще: / Тя превозно́сим, Христе́, во ве́ки.

Свяще́нне житие́ оста́вльшия ве́рныя, / и к Тебе́, Влады́це, преше́дшия, / приими́ кро́тце упокоева́я, я́ко благоутро́бен, / Тя превознося́щия во вся ве́ки.

Слава: Ны́не в земли́ кро́тких / вся водворя́тися пре́жде усо́пшия, Спа́се, благоизво́ли, / ве́рою, я́же в Тя оправда́в и благода́тию, / Тя превознося́щия во вся ве́ки.

И ныне, Богородичен: Вси Тя блажи́м, Всеблаже́нная, / ро́ждшую Сло́ва вои́стинну су́щаго Блаже́ннаго, / плоть нас ра́ди бы́вшаго; / Его́же превозно́сим во вся ве́ки.

Песнь 9.

Ирмос: Бо́га / челове́ком невозмо́жно ви́дети, / на Него́же не сме́ют чи́ни А́нгельстии взира́ти; / Тобо́ю же, Всечи́стая, яви́ся челове́ком / Сло́во Воплоще́нно, / Его́же велича́юще, / с небе́сными во́и Тя ублажа́ем.

Наде́жда му́чеников ли́ки укрепи́, и к Твое́й любви́ распале́нне впери́ / бу́дущих сим предвообрази́вши непоколеби́мый вои́стинну поко́й, / его́же преста́вленныя, Бла́же, ве́рныя сподо́би получи́ти.

Све́тлаго и Боже́ственнаго получи́ти сия́ния Твоего́, Христе́, / ве́рою преста́вльшимся благоволи́ в не́дрех Авраа́мовых упокое́ние, / я́ко Еди́н ми́лостив, тем да́руя, и ве́чнаго сподобля́я блаже́нства.

Слава: И́же Сый естество́м благ и благоутро́бен, / и воли́тель ми́лости и благоутро́бия бе́здна, я́же от ме́ста сего́ озлобле́ния / и се́ни сме́ртныя, Спа́се, преста́вил еси́, / иде́же сия́ет Твой свет, ты́я учини́.

И ныне, Богородичен: Сень святу́ю, Чи́стая, разуме́ем, / и ковче́г, и скрижа́ль Тя зако́на и благода́ти; / Тобо́ю бо оставле́ние дарова́ся, / оправда́нным же кро́вию Воплоще́ннаго из Твоего́ Чре́ва, Всенепоро́чная.

26 мая -ТРОИЦКАЯ ВСЕЛЕНСКАЯ РОДИТЕЛЬСКАЯ СУББОТА, ПОМИНОВЕНИЕ УСОПШИХ

Тропарь заупокойный, глас 8:

Глубино́ю му́дрости человеколю́бно вся стро́яй/ и поле́зная всем подава́яй,/ Еди́не Соде́телю, упоко́й, Го́споди, ду́ши раб Твои́х,/ на Тя бо упова́ние возложи́ша,// Творца́ и Зижди́теля и Бо́га на́шего.

Богородичен, глас тот же:

Тебе́ и Сте́ну и Приста́нище и́мамы,/ и Моли́твенницу благоприя́тну к Бо́гу,// Его́же родила́ еси́, Богоро́дице Безневестная, ве́рных спасе́ние.

Кондак, глас 8:

Со святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.

Установление традиций этого дня произошло ещё в апостольские времена.

ТРОИЦКАЯ ВСЕЛЕНСКАЯ РОДИТЕЛЬСКАЯ СУББОТА– приходится она на день, который предшествует празднику Пресвятой Троицы и считается последним днем Ветхозаветной церкви перед раскрытием Церкви Христовой во всей полноте в День Пятидесятницы. Это поминовение имеет глубокий духовный смысл.

Панихиды еще служились в катакомбной Церкви, когда первые христиане были гонимы в Римской империи, и слово «панихида» — в буквальном переводе с греческого языка означает «служение ночью» – «молитва ночью об усопших». Когда Церковь стала свободна, то панихида вышла из катакомб и стала службой об усопших. Со временем появились в Церкви поминальные субботы.

Между Церквами земной и Небесной существует прямая связь. В день основания Церкви – день Святой Троицы – Дух Божий все в мире освятил, и живых и усопших, поэтому отцы Церкви с основания Церкви поминали усопших, своих дорогих родителей, своих братьев и сестер, и по внушению Духа Божия устроили поминальную субботу накануне праздника Святой Троицы.

В день Пятидесятницы Дух Святой сошел на землю для научения, освящения и приведения всех людей к вечному спасению. Поэтому Церковь, воссылая молитвы об оживотворении Духом Святым всех живущих, просит в самый день праздника, и для усопших благодать Всесвятого Духа, просит совершать поминовение, чтобы спасительная благодать Святого Духа очистила грехи душ всех от века усопших православных христиан.

Троицкую субботу отличает от других родительских суббот то, что в этот день нужно молиться за всех усопших, даже за тех, кто попал в ад. Соборная заупокойная молитва для них – это большая помощь. Святой Василий Великий, составивший умилительные молитвы вечерни Пятидесятницы, говорит в них, что Господь наипаче в этот день благоволит принимать молитвы об умерших и даже о «иже во аде держимых».

Православные просят от лица Церкви, чтобы Господь помиловал тех, кто ушел в вере и надежде Воскресения. Молитвы Церкви помогают душе усопшего выйти из уз ада. Жития святых содержат множество примеров того, как по молитве живых облегчалась посмертная участь грешников, вплоть до их полного оправдания.

Среди людей крещеных, но по жизни своей далеких от Церкви, бытует очень распространенное заблуждение о том, что в этот день Церковь молится о самоубийцах. Однако это не так: Церковь со всей определенностью высказывает свое отношение к самоубийцам и не делает никаких исключений ни в Троицкую родительскую субботу, ни в какой другой день.

#родительскаясуббота #поминованиеусопших #троицкаявселенскаяродительскаясуббота #хрампетраипавларф #храмапостоловпетраипавла

Поминовение усопших в храме совершается в особом месте, где установлен канун – подсвечник, выполненный в виде стола со множеством ячеек для свечей и небольшим Распятием. На канун ставят свечи, молясь о упокоении душ почивших, крещенных в Православной Церкви.

Дни особого поминовения усопших

– Поминовение пострадавших в годину гонений за веру Христову (25 января/7 февраля при совпадении этого числа с воскресным днем или в ближайшее воскресенье после него, в день Собора новомучеников и исповедников Российских)

– Суббота мясопустная (суббота перед Неделей о Страшном суде)

– Субботы 2-й, 3-й и 4-й седмиц Великого поста

– Радоница (вторник 2-й седмицы по Пасхе)

– Поминовение усопших воинов (26 апреля/9 мая)

– Суббота Троицкая (суббота перед праздником Святой Троицы)

– Суббота Димитриевская (суббота перед 26 октября /8 ноября, днем памяти вмч. Димитрия Солунского)

ТРОПАРЬ, глас 8-й

Глубиною мудрости человеколюбно вся строяй, и полезное всем подаваяй, Едине Содетелю, упокой, Господи, души раб Твоих: на Тя бо упование возложиша, Творца и Зиждителя и Бога нашего.

Слава, и ныне: Тебе и стену и пристанище имамы, и Молитвенницу благоприятну к Богу, Егоже родила еси, Богородице Безневестная, верных спасение.

Кондак, глас 8-й

Со святыми упокой, Христе, душы раб Твоих, идеже несть болезнь, ни печаль, ни воздыхание, но жизнь безконечная.

Икос

Сам Един еси Безсмертный, сотворивый и создавый человека: земнии убо от земли создахомся, и в землю туюжде пойдем, якоже повелел еси, Создавый мя и рекий ми: яко земля еси и в землю отыдеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.

МОЛИТВА ОБ УСОПШЕМ ХРИСТИАНЕ

Помяни, Господи Боже наш, в вере и надежди живота вечнаго преставльшагося раба Твоего, брата нашего (имя), и яко Благ и Человеколюбец, отпущаяй грехи, и потребляяй неправды, ослаби, остави и прости вся вольная его согрешения и невольная, избави его вечныя муки и огня геенскаго, и даруй ему причастие и наслаждение вечных Твоих благих, уготованных любящым Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троице и Троицу во Единстве, православно даже до последняго своего издыхания исповеда. Темже милостив тому буди, и веру, яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем Отцу и Сыну и Святому Духу, ныне и присно, и во веки веков. Аминь.

АКАФИСТ О УПОКОЕНИИ УСОПШИХ

Кондак 1

Непостижимым Промыслом к благу вечному мир уготовляяй, определивый всем время и образ кончины, прости, Господи, согрешения от века умершим, приими их во обители света и радования и объятия Отеческая отверзи им милостиво. Услыши нас, память их совершающих и поющих:

Отче наш, Любовь неизреченная, упокой усопших раб Твоих.

Икос 1
Адама падшаго и весь род наш от гибели вечныя спасая, послал еси, Боже, в мир Сына Твоего, Крестом и воскресением Его возсия нам жизнь вечная. Уповая на милосердие Твое, чая нетленнаго Царствия Славы, просим в нем части усопшим и молимтися:

Отче наш, возвесели души усопших, измученных житейскими бурями.
Отче наш, да забудут они вся скорби и воздыхания земная.
Отче наш, утеши их на лоне Твоем, якоже мать утешает чад своих.
Отче наш, скажи им: прощаются вам грехи ваши.
Отче наш, приими их в Твое блаженное тихое пристанище.
Отче наш, отверзи им чертоги Ангелов и святых.
Отче наш, да возрадуются они о Божественней славе Твоей.
Отче наш, сподоби вечных Твоих благ усопших отец и братий наших.
Отче наш, Любовь неизреченная, упокой усопших раб Твоих.

Кондак 2
Озаренный Всевышним, преподобный Макарий глас слыша от черепа языческаго: «Егда вы молитеся о страждущих во аде, тогда и язычником бывает отрада”. О сила молитв христианских! Ими и преисподняя озаряется, с верными и невернии утешение приемлют, егда мы о всем мире поем: Аллилуиа.

Икос 2
Помянух слово Исаака Сирина, глаголюща: «Сердце милующее о людех и о животных, и о вразех, и о всей твари ежечасно со слезами приносит молитву, дабы сохранились и очистились”. Посему и мы дерзновенно просим у Господа помощи всем от века умершим, взывая:

Отче наш, пошли нам дар пламенныя молитвы за усопших.
Отче наш, даждь нам ревность Павла и Моисея, готовых лишиться рая ради спасения ближних.
Отче наш, помяни всех заповедавших нам, недостойным, молитися за них.
Отче наш, изглади забытыя ими грехи. Отче наш, согрей наши сердца жалостию и к врагам Истины.
Отче наш, помилуй всех без молитвеннаго напутствования погребенных.
Отче наш, приими в Твоя селения внезапно умерших от горя или радости.
Отче наш, низпосли преставльшимся мир и покой о Дусе Святе.
Отче наш, Любовь неизреченная, упокой усопших раб Твоих.

Кондак 3
Мы повинны в бедствиях мира, в страданиях безсловесныя твари, в мучениях невинных детей, ибо грехопадением людей разрушено блаженство и красота творения. Величайший из неповинных страдальцев, Ты, Господи, един властен простити всем. Прости, Боже, и возврати миру древнее благоденствие, да и мертвии и живии покой обрящут, взывая: Аллилуиа.

Икос 3
Свете Тихий, Искупителю вселенныя, слышахом Твой вопль со Креста о вразех: «Отче, прости им!”. И во имя Твоего всепрощения сами дерзаем молитися Отцу о вечном покое Твоих и наших врагов:

Отче наш, прости проливавшим неповинную кровь.
Отче наш, прости осыпавшим тернием скорбей путь наш.
Отче наш, прости строившим свое благополучие на слезах ближняго.
Отче наш, не суди гнавших нас клеветою и злобою.
Отче наш, воздаждь милостию всем обиженным нами.
Отче наш, утеши всех нами по неведению оскорбленных. Отче наш, да будет сия молитва о них таинством примирения.
Отче наш, истреби рукописания грехов почивших отец и братий наших.
Отче наш, Любовь неизреченная, упокой усопших раб Твоих.

Кондак 4
Спаси Господи, скончавшихся в тяжких мучениях, убиенных, заживо погребенных, поглощенных волнами и огнем, растерзанных зверьми, умерших от глада, мраза или падения с высоты, и за скорбь кончины их даруй им вечную радость Твою, да благословят они время страданий своих, яко час искупления, воспевая: Аллилуиа.

Икос 4
Всем, у кого Ты, Господи, взял жизнь в светлой юности, всем, коим дал еси венец терновый страданий, всем, не изведавшим счастия земнаго, Ты воздаждь лучами Твоея загробныя безконечныя любве:

Отче наш, услади их сладостию даров Духа Твоего.
Отче наш, вознагради умерших под тяжким бременем трудов.
Отче наш, приими в чертоги рая усопших отроков и дев.
Отче наш, сподоби их ликования на Вечери Сына Твоего.
Отче наш, умягчи скорбь родителей об утрате детей.
Отче наш, упокой всех одиноких, сирых и нищих, о нихже некому помолитися.
Отче наш, да изсякнут грехи их в лучах Твоего всепрощения.
Отче наш, даждь рабом Твоим, прежде скончавшимся отцем и братиям нашим, одежду белую, победную.
Отче наш, Любовь неизреченная, упокой усопших раб Твоих.

Кондак 5
Яко последнее средство к вразумлению и покаянию рода человеческаго, Ты, Господи, даровал еси смерть. При грозном блистании ея обнажается земная суета, утихают плотские стремления, смиряется непокорный разум, открывается правда вечная. Сего ради и закоренелыя в беззакониях грешники, на смертном одре исповедуя Бытие Твое вечное, к Твоему милосердию взывают: Аллилуиа.

Икос 5
Отче всякого утешения! Ты озаряеши солнцем, Ты услаждаеши плодами, Ты веселиши красотами мира друзей и врагов Твоих. Веруем, яко и за гробом, в вечности не истощается в милости сердце Твое, милующее и отверженных всеми грешников.

Отче наш, скорбим об ожесточенных и беззаконных хулителях святыни.
Отче наш, да будет над ними спасительная воля Твоя.
Отче наш, сжалься над уязвленными гибельным неверием.
Отче наш, не познавый Тя на земли, да возлюбит Тя на небеси.
Отче наш, прости скончавшихся без покаяния.
Отче наш, спаси погубивших себя в омрачении разсудка.
Отче наш, да угаснет пламень нечестия их в море благости Твоея. Отче наш, Победителю ада, избави от осуждения в геенне всех преставльшихся отец и братий наших.
Отче наш, Любовь неизреченная, упокой усопших раб Твоих.

Кондак 6
Страшен есть мрак души, удаленной от Бога, муки совести, скрежет зубов, неугасимый огнь и червь неумирающий. Трепещу и мне таковыя участи, и яко о самом себе, молюся и о страждущих во аде, да снидет к ним росою прохлаждения наша песнь: Аллилуиа.

Икос 6
Где бы возсиял свет Твой, Христе Боже, аще не на сидящих во тме и сени смертней? Темже и поминают Тя сущии во аде души. Сниди паки в преисподняя земли, изведи во отраду разлученных с Тобою грехми, но не отрекшихся от Тебе. Во имя Сына и Святаго Духа помолимся ко Отцу:

Отче наш, чада Твоя страждут, помилуй их.
Отче наш, согрешили они на небо и пред Тобою.
Отче наш, тяжки их грехи, но велика и сильна милость Твоя.
Отче наш, Ты Сына Своего послал еси грешныя спасти.
Отче наш, посети горькую нищету отдаленных от Тебе душ.
Отче наш, помилуй гнавших Истину по неведению.
Отче наш, да будет им любовь Твоя не огнем, но прохладою райскою.
Отче наш, избави от пламени вечнаго отшедших к Тебе отец и братий наших.
Отче наш, Любовь неизреченная, упокой усопших раб Твоих.

Кондак 7
Хотя умершим руку помощи подати, разрешил еси им, Господи, в сониях и видениях к живым являтися и на молитву тех вдохновляти, да поминая с любовию отшедших, творят в память их добрая дела и подвиги веры, взывая с надеждою: Аллилуиа.

Икос 7
Церковь Христова по всей вселенней всякий день возносит молитвы за почивших, и ежечасно по всей земли грехи мира омываются чистительною Кровию Божественнаго Агнца. От смерти к животу и от земли к небеси восходят души усопших силою молитв о них пред Алтарем Господним.

Отче наш, да будет умершим ходатайство Церкви лествицею к небеси.
Отче наш, помилуй их за предстательство Пречистыя Девы и всех святых.
Отче наш, очисти их ради верных, вопиющих к Тебе день и ночь.
Отче наш, ради незлобивых младенцев прости их родителей.
Отче наш, слезами матерей искупи грехи чад их.
Отче наш, за молитвы невинных страдалец, за кровь мучеников пощади грешников.
Отче наш, приими наша милостыни и молитвы в воспоминание их добродетелей.
Отче наш, да будет Кровь Сына Твоего источником жизни для ныне поминаемых отец и братий наших.
Отче наш, Любовь неизреченная, упокой усопших раб Твоих.

Кондак 8
Весь мир – общая священная могила, на всяком месте прах наших братий и отцев, сотворенных по образу Божию и по подобию, единокровных нам по Адаму. Единый, неизменно нас возлюбивший, прости всех, от начала и доныне умерших, да воспоют они безсмертней любви Твоей: Аллилуиа.

Икос 8
Се День грядет, яко пещь горяща, День великий и страшный, День Последняго Суда. Обнажатся тайны человеческия и откроется книга совести. «Примиритеся с Богом! – вопиет Павел,- прежде онаго страшнаго Дня”. Помози нам, Господи, и слезами живых восполни недостающее умершим.

Отче наш, да будет им и нам звук трубы архангельской благовестием спасения.
Отче наш, в час Суда сподоби их и нас всерадостнаго помилования.
Отче наш, увенчай славою страдания ближних наших.
Отче наш, покрой благостию Твоею согрешения немощных.
Отче наш, дай истину Твою очищенным грозою бед земных.
Отче наш, ведый всех по имени, помяни в монашеском и мирском чине спасавшихся.
Отче наш, приими пастырей благоговейных с духовными чадами их.
Отче наш, да встретят раби Твои, нами зде поминаемыя, Жениха Христа со светильники горящими.
Отче наш, Любовь неизреченная, упокой усопших раб Твоих.

Кондак 9
Благословляйте, не губите скоротекущее время: каждый час, каждое мгновение приближает нас ко гробу. Новая скорбь, новая седина суть вестники из грядущаго мира, они свидетели тленности земнаго, они возвещают, яко все мимотечет, яко приближается вечное счастие, идеже ни слез, ни воздыхания, но отрадная песнь: Аллилуиа.

Икос 9
Яко древо осенью обнажается от листьев своих, тако и жизнь наша ежечасно клонится к оскудению. Праздник юности увядает, погасает светильник радования, близится отчужденная старость, умирают друзья, отдаляются близкие. Где вы, прежде юныя, радостныя, счастливыя? Безмолвны их гробы и души их в деснице Твоей.

Отче наш, взоры из мира загробнаго зовут нас к молитве.
Отче наш, Солнце светлое, озари и согрей селения усопших.
Отче наш, да минует навсегда горькое время разлуки.
Отче наш, сподоби нас радостнаго свидания на небеси.
Отче наш, сотвори, да вси едино будем с Тобою.
Отче наш, возврати отшедшим детскую чистоту и юное благодушие.
Отче наш, да будет им вечная жизнь праздником светлопасхальным.
Отче наш, умягчи скорбь об умерших надеждою встречи в небесном Сионе.
Отче наш, Любовь неизреченная, упокой усопших раб Твоих.

Кондак 10
Накрапляем слезы, яко тихия капли дождя на могилы сродников наших, молимся с надеждою, взываем с упованием: скажи нам, Господи, что Ты простил еси их, скажи, что приемлеши их в обители радости, даждь таинственное откровение нашему духу, да воспоем: Аллилуиа.

Икос 10
Обращая очи мои вдаль, на пройденный путь жития, вижду множество уже усопших от перваго дне моего и доныне, послуживших мне во благо. О них молюся и, долг отдавая любви, вопию:

Отче наш, помилуй всех доброжелателей и благодетелей моих.
Отче наш, сподоби славы Твоея родителей и ближних моих.
Отче наш, вознагради бодрствовавших над моею детскою колыбелью.
Отче наш, спаси благовестивших мне Слово Твое.
Отче наш, прослави пред Ангелы научивших мя любити Тя.
Отче наш, даждь отраду наставлявшим мя святыми примерами жизни их.
Отче наш, услади сокровенною манною послуживших мне в тяжелые дни.
Отче наш, Царствию Твоему не будет конца, да внидут усопшии в радость Твою.
Отче наш, Любовь неизреченная, упокой усопших раб Твоих.

Кондак 11
Смерть, где твое жало? где твоя победа? где твой прежний и мрак и страх? Ты желанная отныне, ты сочетаеши неразлучно с Богом, ты великий покой, ты таинственное субботство. Апостол взывает: «Желание имам умрети и со Христом быти”. Темже взирая на смерть, яко на путеводительницу к жизни, зовем: Аллилуиа.

Икос 11
Воскреснут мертвии и возстанут сущии во гробех, и вси земнороднии возрадуются, ибо проснутся уже телеса духовныя, прославленныя, светлонетленныя. Кости сухия, слышите слово Господне: «Облекайтеся жилами, покрывайтеся кожею, возставайте из седых времен прошлаго. Вы искуплени Кровию Сына Божия, вы оживлены смертию Его, над вами свет Воскресения!”.

Отче наш, день от дня Ты открывал еси благость Твою.
Отче наш, ныне открой им всю бездну совершенств Твоих.
Отче наш, Ты веселил еси их теплом и ароматом весны.
Отче наш, яви им и вечную весну нетления.
Отче наш,Ты сиял еси им светом солнечным и тишиною луны.
Отче наш, да узрят они и славу огненных ангельских Ликов.
Отче наш, Ты услаждал еси их красотою восхода и заката солнечнаго, да узрят они и свет вечнаго Твоего Божества.
Отче наш, да просветится каждая душа, яко звезда утренняя, вестница зари.
Отче наш, Любовь неизреченная, упокой усопших раб Твоих.

Кондак 12
Плоть и кровь Царствия Божия не наследуют. Доколе во плоти живем, отлучены есмы от Христа; аще не умрем, не оживем для вечности, подобает бо тленному сему телеси облещися в нетление и мертвенному сему просияти безсмертием, и тако во свете невечерняго дне воспевати: Аллилуиа.

Икос 12
Чаем радостныя встречи с Господом, ждем ясной зари воскресения, ждем пробуждения из гробов близких наших и оживления в благолепней красоте умерших жизней. Торжествуем грядущее преображение всея твари и Возсоздателю нашему вопием:

Отче наш, создавый мир к торжеству радости и добра.
Отче наш, возстави нас из глубины греха к святости.
Отче наш, даждь умершим царствовать посреде обновленнаго бытия.
Отче наш, да возсияют они яко светила на небесех в день славы их.
Отче наш, да будет им Агнец светом неугасимым.
Отче наш, даждь и нам с ними праздновати Пасху нетления.
Отче наш, соедини умерших и живых в нескончаемой радости.
Отче наш, да не разлучаемся с рабами Твоими, зде нами поминаемыми.
Отче наш, Любовь неизреченная, упокой усопших раб Твоих.

Кондак 13
О Премилостивый Отче Безначальный, всем хотяй спасения, Сына к погибающим низпославый и Духа Животворящего изливаяй! Помилуй, прости и спаси близких нам и всех от века усопших, и предстательством их посети. Мы же да вкупе с ними воспоем Тебе, Спасителю Богу, победную песнь: Аллилуиа! Аллилуиа! Аллилуиа!

(Этот кондак читается трижды, затем икос 1 и кондак 1.)

Добавить комментарий

Ваш адрес email не будет опубликован. Обязательные поля помечены *